Genese 41:8 - ICIGHAN BIBILO

⁸ Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

Genese 41:8 Iomraidhean Croise

Genese 40:6

Yosev za nyôr hen a ve pepe yô, a nenge ve gba teman zuduu.

Genese 40:8

Ve kaa a na er: Mnyam cie se, man or u pasen se ma, nan ngu ga. Yosev kaa a ve er: Ka Aôndo A lu a mpase ye gaa? Ôrom nen ma yôô.

Genese 41:15

Farao kaa a Yosev er: Mnyam ciem, man or u pasen ma, nan ngu ga; man m ungwa mba teren we er, aluer u ungwa mnyam yô, u fa u pasen ma.

Genese 41:24

Asagher a tsaasaa la mena asagher a ataankarahar a doon la; m gema m ôr mbaahiriv ma, kpa mô ve môm fatyô u pasen mo ma ga.

Genese 41:7

Asagher a tsaasaa la gema mena asagher a ataankarahar a dedoo a wan king king la. Farao nderen yô, gema lu mnyam ma cien tsô.

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Ekesodu 7:11

Tsô Farao yila mbafankwagh man mbaahiriv; ve mbaahiriv mba Igipiti kpaa ve er nahan sha ahir a ve.

Ekesodu 7:22

Mbaahiriv mba Igipiti kpaa er nahan, sha ahir a ve; ishima i Farao cighir, a wa ve iko ga, er TER kaa yô,

Ekesodu 8:7

Mbaahiriv kpaa er nahan sha ahir a ve, ve va, a asôhô ken tar u Igipiti.

Ekesodu 9:11

Mbaahiriv kera fatyô u tilen sha ishigh ki Mose ga sha ci u atundu la; gadia atundu mura mbaahiriv kpaa, kua Mbaigipiti cii.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 29:14

nahan yô, nenge, shi Me er tom u kpilighyol hen ior mban, ka tom u kpilighyol man u cieryol, kwaghfan u mbafankwagh vev una saa ishe, man mkav u mbakavenkwagh vev kpaa una yer kera.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 4:18

Mnyam man, mo tor Nebukadinesar m nenge ma; man we Belete-shasar, pasem inja i ma, gadia mbafankwagh mba ken tartor wam cii fatyô u pasen mo inja i ma ga; kpa we yô, u fatyô, gadia jijingi u uicighanmbaaôndo ngu ken a we.

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:5

Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Daniel 4:6

Nahan, m wa tindi mer, i̱ va a mbafankwagh mba ken Babilon cii sha ishigh yagh, ve̱ pasem inja i mnyam mara.

Daniel 4:7

Tsô mbaahiriv man mbaasorov man Mbakaldi man mbatsenganôron akaa, ve nyôr, tsô m ôr ve mnyam ma shonom, kpa ve pasem inja i ma ga.

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 7:28

Ka mkur u kwagh shon ne je ne. Mo Daniel yô, mbamhen av tam mciem iyol kpishi, mluashe u ishigh yagh kpaa gema, kpa m koso kwagh shon ken ishima yam.

Daniel 8:27

Tsô, mo Daniel m hume, m lu uange ayange kar; nahan m mough sha, m gba eren tor tom; kpiligh mo iyol, sha mpase u sha mnenge la, kpa ma or kav un ga.

Levitiku 19:31

De ze nen hen ujijingi mba mbakpenev ga, shin mbatsenganpasen akaa kpaa ga, de keren nen ve sha er né hôngor ayol a en sha ve ga; ka Mo TER M lu Aôndo wen yen.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

Mateu 2:1

Tsô er i mar Yesu ken Betelehem u ken tar u Yudia sha ayange a tor Herode yô, mbafankwagh due vegher u sha ityoughkitaregh la, va ken Yerusalem,

Aerenakaa A Mbaapostoli 17:18

Man mbafankwagh mbagenev ken nongo u Epikuria man u Setoika kpaa ve za ya gadoga a na. Tsô mbagenev kaa er: Orlyam ne yô, ka un ka ôron nyi? Mbagenev gema kaa er: Ngu er ka or u pasen kwagh u mbaaôndo mba hev, lu sha ci u a lu ôron kwagh u Yesu man mnder u shin mbakpenev yô.

Aerenakaa A Mbaapostoli 7:22

Tsô i tese Mose mfe u Mbaigipiti cii, hingir or u ageegh ken akaaôron a na kua aeren a na kpaa.

1 Mbakorinte 1:19

Gadia i nger er: Me vihi mfe u mbafankwagh, man mkav u mbakavenkwagh kpaa, Me bunde un.

1 Samuel 6:2

Tsô Mbafiliti yila upristi kua mbakpehenasor, ve pine ve er: Sé er a Areki u TER ne nana? Kaa nen se kwagh u sé er man sé hide a na hen ijiir na yôô?