Genese 4:6 - ICIGHAN BIBILO

⁶ Nahan TER kaa a Kain er: Ka nyi ishima i vihi we, man ka nyi u saan ishigh sha ga?

Genese 4:6 Iomraidhean Croise

Genese 4:7

Aluer wea er sha mi yô, ma u saan ki sha gaa? Man aluer wea er sha mi ga yô, nenge, isholibo kegh sha hunda je; ka sha a we je isharen i i, i lu ye, kpa ka we man ú hemba i ye.

Yobu 5:2

Gadia ishimanyoon ka i wua imbumeor, man iwuhe kpaa ka i wua orlanenkwagh.

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yeremia 2:31

We, ikov ne, ungwa nen kwaghôron u TER. M hingir Iserael taaikôngo je vee? Shin tar u angôghimee? Ka nyi man ior Av ve kaan er: Se mba zenden sha ishima yase se kera va her a We ga nahana?

Yeremia 2:5

TER ngu kaan nahan er: Ka nyi mban u mimi uter enev ve zough a mi ken a Mo, je u ve gba ca a Mo, ve dondo kwagh u gbilinigh ityô, man ve hingir gbilin nahana?

Yona 4:4

Nahan TER kaa er: Ishima vihi u sha inja je kpa?

Yona 4:9

Tsô Aôndo gema kaa a Yona er: Ishima vihi u sha ci u kon u ishilajôngo, ka sha inja je kpa? Tsô a kaa er: Ishima vihim ka sha inja je, i vihim zan zan ar ken ku je.

Mateu 20:15

M ngu a ian i eren ishima yam sha kwagh wam gaa? Shin ka vihin we er mo m lu or u iwua yôô?