Genese 4:5 - ICIGHAN BIBILO

⁵ Kpa Kain man nagh nagh yô, A rumun ga. Nahan ishima vihi Kain tsung, a kera saan ishigh sha ga.

Genese 4:5 Iomraidhean Croise

Genese 31:2

Yakob kpaa, er a nenge ishigh ki Laban yô, nenge, ki kera lu a na er ngise nahan ga.

Genese 31:5

a kaa a ve er: M nenge ishigh ki ter wen, kera ki a mo er ngise nahan ga; kpa Aôndo u terem gema lu a mo.

Genese 39:19

Ter na ongo kwaghôron u kwase na ôr un, er: Kape kpan wou a er a mo la yô, ishima nyoon un.

Yobu 15:13

jijingi wou a hendan a Aôndo je, u rumun akaaôron a dugh u ken zwa nahana?

Yobu 5:2

Gadia ishimanyoon ka i wua imbumeor, man iwuhe kpaa ka i wua orlanenkwagh.

Upasalmi 20:3

A̱ umbur nagh ough cii, A̱ rumun nagh ough ku nanden. Sela

Anzaakaa 19:3

Ibumegh ki orough ka ki vihi nan gbenda, ishima i nan kpaa i hingir iyongo a TER.

Anzaakaa 29:10

Mba i doo ve u haan awambe inya yô, mba ker ormimi ihom, mba keren uma u mbaperapera kpaa.

Orpasenkwagh 4:4

Tsô m gema m nenge tom u ican cii, man hanma tom u i er u u hembe doon yô, i lu sha iwuhe i lu eren u ye. Kwagh ne kpaa ka gbilinkwagh man ka u zendan di ahumbe ityô tsô.

Yesaia 3:9

Msange ve u sha dooshima ngu eren shiada nan ve ibo; mba pasen kwaghbo ve er Sodom nahan, mba yeren kwagh ga. Kwagh tser ve ve! Gadia ve va a kwaghbo sha ayol a ve!

Numeri 16:15

Nahan ishima vihi Mose tsung, a kaa a TER er: De rumun nagh vegh ku ve ve a mi la ga; shin jaki môm tsô kpaa, m ngohol ve sha apera ga, shi m er mô ve môm kwaghvihin kpaa ga.

Mateu 20:15

M ngu a ian i eren ishima yam sha kwagh wam gaa? Shin ka vihin we er mo m lu or u iwua yôô?

Aerenakaa A Mbaapostoli 13:45

Kpa er Mbayuda nenge a ikpelaior kpishi nahan yô, iwuhe iv ve ken asema, ve gba nyiman kwaghôron u Paulu la, tuhwan.

Mbaheberu 11:4

Ka sha jighjigh u nan man Abel na Aôndo nagh ku hemban doon a ku Kain ye. Ka sha mi kpaa man i er un shiada er a lu or u perapera ye, Aôndo kpaa er shiada u dedoo sha uiwua nav mbala. A kpe, kpa sha jighjigh na u nan la yô, shi ngu ôron kwagh her.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.