Genese 39:9 - ICIGHAN BIBILO

⁹ ma or u hemban mo hen ya ne ngu ga; ma kwagh kpaa, a yangem ga, saa we tseegh, sha ci u we u ngu kwase na; a er nan man me er kwaghbo u vesen ne, me er Aôndo isholibo nahana?

Genese 39:9 Iomraidhean Croise

Genese 13:13

Kpa ior i Sodom yô, lu aferaior, lu eren akaabo kpishi sha ishigh ki TER.

Genese 20:3

Tsô Aôndo va hen Abimeleki ken mnyam ma cien tugh, kaa a na er: Nenge, ú kpe sha ci u kwase u u koo a mi ne; gadia ka kwase u or je.

Genese 20:6

Tsô Aôndo kaa a na ken mnyam mara er: Een, M fa, ka sha ishima i gbar gbar u er nahan ye, Mo kpaa M yange u sha u de kera eren Mo kwaghbo ga; ka nahan man M rumun Mer bende a na ga ye.

Genese 20:9

Nahan Abimeleki kaa a na er: Ka nyi u er a vese nahana? Ka han m er u kwaghbo man u heem ibo i vesen iyol a tartor wam cii? U erem akaa a a kom u or á er ga.

Genese 24:2

Nahan Aberaham kaa a wanakiriki na u vesen u hen ya na, u akaa na cii lu sha ikev na la, er: Shi verem uwegh ough hen ikooso;

Genese 39:10

Shin er a zer ôron kwagh a Yosev ayange ayange nahan kpaa, Yosev wa iko u yaven a na ga, shin u teman a na imôngo tsô kpaa ga.

Genese 41:40

ka we, ya wam una lu sha ikev you ye, ka sha imo you kpaa, man ior av cii vea zaan ye; ka sha ikônough ki torough tsô, me hemba u min ye.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

2 Samuel 11:27

Er shighe u zungwen ku la bee yô, Davidi tindi i za kua a na, i va a na hen ya na, a maa a hingir kwase na, a mar un wan u nomso. Kpa kwagh u Davidi er la yô, vihi TER ishima.

2 Samuel 12:13

Davidi gema kaa a Natan er: M er TER kwaghbo. Nahan Natan kaa a Davidi er: TER de u kwaghbo wou, ú kpe ga.

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Nehemia 6:11

Kpa m kaa mer: Or er mo nahan kpaa nana yevese kwagh ha? Man shi ka hanma or er mo nahan, nana nyôr ken tempel, man nana lu uma here? Me nyôr ga.

Yobu 31:23

Gadia mtim u sha ikev i Aôndo kam kwagh u cieryol, icivir Na i hemban la, erem, m kera fatyô u eren ma kwagh ga.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Ekesodu 20:14

De eren idya ga.

Anzaakaa 6:29

Kape or u nan nyer hen kwase u or u nan we ndor a nan kpaa nan lu la; hanmô u nan bende a na yô, nana lu a isho ga.

Anzaakaa 6:32

Or u nan er idya a kwase yô, nan kav kwagh je ga, or u nan er nahan la, ka uma u nan nan lu timin ye.

Orpasenkwagh 7:26

Tsô m gema m zua a kwagh ugen ua hembe yuan a ku yô; ka kwase u ishima i nan i lu ityamberev mbi hônon kua ukper yô, ave a na kpaa a lu mshirim; or u i doo Aôndo a nan yô, nana war un, kpa orsholibo yô, una gema á kôr nan.

Yeremia 28:16

nahan yô, TER ngu kaan nahan er: Nenge, Me zenda u sha tar kera; ú kpe ken inyom ne je, sha ci u u tese wer, i̱ hendan kwagh a TER yô.

Yeremia 50:7

Mba ve kohol ve cii ve ya ve; mbaahendanev vev kaa er: Se mba a ibo ga, sha ci u ve er TER, ijiir i teman i perapera la, isholibo, ka TER u A lu ishimaverenkeghen i uter vev la.

Levitiku 20:10

Or u nan er idya a kwase u orgen, ka u nan er idya a kwase u or u nan we ndor a nan yô, idyaor la kua idyakwase la kpaa, i̱ wua ve kpee je.

Levitiku 6:2

Aluer anti or nana er isholibo nana er TER kwagh u a lu sha mimi ga, nana tuna er or u wan ndor a nan, na nan inyaregh nan koso ga, shin ityungu kpaa ga, shin nan ii nan kwagh kpaa ga; shin nana ya or u wan ndor a nan kwagh sha apera;

Numeri 32:23

Kpa aluer nea er nahan ga yô, nenge, ne er TER isholibo, fa nen isholibo yen ia kôr ne.

Luka 12:48

Kpa u nan fe ga, man nan er kwagh u a kom igbidiv yô, á gbidye nan kpuaa. Man shi hanma or u i ne nan kpishi, á ker di her a nan kpishi, man shi u i ver nan akaa kpishi sha ikev, ka her a nan á hemba keren kwagh ye.

1 Mbakorinte 4:2

Kwagh ugen u i veren ishima sha mi hen mbakarenkwar yô, ka u ve̱ lu ior mba jighjigh.

Titu 2:10

ve̱ de iin ga, ve̱ eren akaa cii sha jighjigh doo doo sha u vea hingir kwagh u hweegh sha ityesen i Aôndo Oryiman wase sha akaa cii.

Mbaheberu 13:4

Ivaa i̱ lu kwagh u icivirigh hen ior cii, gambe u ivaagh kpaa a̱ de lu a acôghol ga, gadia Aôndo Una ôr mbaerenijimba man mbavihin ivaa sha idya la ijir.

1 Yohane 3:9

Hanma or u Aôndo A mar nan yô, nan eren isholibo ga, gadia vor Na ngu ker a nan; man nana fatyô u eren isholibo ga, gadia ka Aôndo A mar nan ye.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.