Genese 37:5 - ICIGHAN BIBILO

⁵ Tsô mnyam cie Yosev, a ôr anngôôv nav, shi ve seer kôron un ihom.

Genese 37:5 Iomraidhean Croise

Genese 20:3

Tsô Aôndo va hen Abimeleki ken mnyam ma cien tugh, kaa a na er: Nenge, ú kpe sha ci u kwase u u koo a mi ne; gadia ka kwase u or je.

Genese 28:12

Mnyam cie un er gogo tuur shin inya, za suur ityough sha aôndo je; mbatyomov mba Shaav mba Aôndo gema lu unden man shi hungwan sha mi.

Genese 31:10

Zum u ilev lu keren noov la, m gema ashe ken mnyam ma cien, m nenge ukpev mba ve lu undun ilev cii, ve lu anger anger man amian amian man abeen abeen.

Genese 31:11

Ortyom u Aôndo yilam ken mnyam ma cien mala er: Yakob; mo kpaa m rumun mer: Een.

Genese 37:4

Anngôôv nav kav er a hembe doon ter ve ishima a anngôôv nav cii yô, ve kôr un ihom je, ve kera fatyô u ôron kwagh a na bem bem ga.

Genese 37:6

A kaa a ve er: Ma ne shi ongo mnyam ma ma ciem ne.

Genese 37:8

Anngôôv nav kaa a na er: Nahan yô, ú tema tor sha a vese he? Shi ú lu a tahav sha a vese kpaa ha? Nahan shi ve seer kôron un ihom sha ci u mnyam ma ma cien un kua sha akaaôron a na la kpaa.

Genese 40:5

Ve uhar cii mnyam cie ve tugh môm, hanma or lu a mnyam ma nan, hanma or mpase u mnyam ma nan shi lu kposo je; un ortoonkwaghman man orkaanbredi u tor u Igipiti la kpaa, ve mba i wuhe ve ken gaadi la.

Genese 41:1

Anyom nga kar ahar vough yô, mnyam cie Farao er un tile hen kpe u ifi u Nil;

Genese 42:9

Tsô Yosev umbur mnyam ma ma cie un a ve la, a gema a kaa a ve er: Ne mba mbamkerev, ne va sha u va nengen ian i nyôron ken tar ne.

Genese 49:23

Mbaavaanev vembe un, ve ker un, avaan a ve er un ican;

1 Utor 3:5

Ken Gibeon la, TER ande hen Solomon ken mnyam ma cien tugh. Aôndo kaa er: Sônom kwagh u a sar u u M̱ na u yô.

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Daniel 2:1

Sha inyom i sha uhar i mtemtor u Nebukadinesar la yô, mnyam cie Nebukadinesar, nahan nzughul un ken ishima, tôndo un mnyam kpaa.

Daniel 4:5

Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.