Genese 37:4 - ICIGHAN BIBILO

⁴ Anngôôv nav kav er a hembe doon ter ve ishima a anngôôv nav cii yô, ve kôr un ihom je, ve kera fatyô u ôron kwagh a na bem bem ga.

Genese 37:4 Iomraidhean Croise

Genese 27:41

Nahan Isou kôr Yakob ihom sha ci u iveren i ter na ver un la; man Isou kaa ken ishima na er: Ayange a zungwen ku u terem mgbôghom ve, tsô shighe la me wua anngôm Yakob.

Genese 37:11

Anngôôv nav lu nôngon un iwuhe; kpa ter na yô, lu a kwaghôron la ken ishima na.

Genese 37:5

Tsô mnyam cie Yosev, a ôr anngôôv nav, shi ve seer kôron un ihom.

Genese 4:5

Kpa Kain man nagh nagh yô, A rumun ga. Nahan ishima vihi Kain tsung, a kera saan ishigh sha ga.

Genese 49:23

Mbaavaanev vembe un, ve ker un, avaan a ve er un ican;

Upasalmi 38:19

Kpa mbaihomov av mba per usôô, ve taver kpaa; mba ve gbe kôron mo ihom tsô la, ve ngee.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Yeremia 12:6

Gadia anngôôv ou, man ya u teru je kpaa, ve je kpaa, ve ya zwa sha a we; ve je kpaa ve lu camber we ijime van ye; de ne ve jighjigh ga, shin vea ôr u akaa a doon nan nan kpaa.

Marku 3:25

Man aluer ya ugen una pav sha ihom yô, ya la una fatyô u lun her ga.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Yohane 2:11

U nan ker anmgbian u nan ihom yô, nan ngu ken ime shi nan zenden ken ime kpaa, nan fa henpe nan ze kpaa ga, gadia ime pir nan ashe.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:12

i̱ de luun er Kain u a due ken Orbo man a wua anngô na la nahan ga; man i lu sha ci u nyi man a wua unu? Ka sha ci u aeren a na lu a bo, kpa a anngô na gema lu a perapera yô.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

1 Samuel 17:28

Tsô Eliabi, anngô na u vesen ungwa er a lu ôron kwagh a ior yô, nahan ishima vihi Eliabi a Davidi, a kaa er: Ka nyi u ve heene? Man ka an u we nan aniyôngov mba kpeghee mba ken toho mbala sha ikeve? M fa ihagher you man ifer i i lu ken ishima you la; gadia u sen, u va ityav mbi kenger tsô.