Genese 34:8 - ICIGHAN BIBILO

⁸ Nahan Hamor ôr kwagh a ve kaa er: Ishima i wan wam Shekem ngi sha wan wen; yô, shi gema nen un, na nen un, a̱ hingir kwase na.

Genese 34:8 Iomraidhean Croise

Genese 34:3

Ishima na cii, lu sha Dina wan u Yakob; wankwase la doo un ishima, a ôr kwagh a wankwase la legh legh.

Genese 34:7

Ônov mba Yakob kpaa, zum u ve za ungwa kwagh la yô, ve hide ken toho; ve mba nomso mbala, asema vihi ve, kwagh vihi ve tsung, sha u a er kwagh u ibume ken Iserael, er a yav a wan u Yakob yô, kwagh la doo u ma i er nahan ga.

Genese 34:9

Ne kpaa eren nen kasev a vese; naan nen se ônov enev mba kasev, ne di kpaa gema eren nen ônov asev mba kasev.

1 Utor 11:2

ka mba ken akuraior a TER lu kaa Mbaiserael er: De nyer nen nongo a ve ga, ve kpaa ve̱ de nyer nongo a ven ga; gadia vea gema ne ishima er né dondo mbaaôndo vev kpee je; Solomon var a ve, ve doo un ishima.

Yobu 7:2

Er kpan u mure ka a sar nan tsung yô, man er or u eren tom sha tôndo ka nan ver ishima sha injar i nan nahan,

Upasalmi 119:20

Sar uma wam tsung a akaaôron a Ou a jirigh hanma shighe je.

Upasalmi 63:1

Aôndo, ka We U lu Aôndo wam ye, m ngu keren We, U sarem ken ishima er imurakôron nahan; U sar iyol yam tsung, ken tar u ombor u tseghe tseghe, ape mngerem ma lu ga yô.

Upasalmi 84:2

Ityembe i sha ishigh ki iyou i TER sarem ken ishima je, iyol i kpem cii; ishima yam man iyol yam ngi ember Aôndo u uma genger genger.

Yeremia 22:27

Kpa tar u u sar uma ve u hiden hen u la, vea hide her ga.