Genese 33:4 - ICIGHAN BIBILO

⁴ Isou kura ayem za kohol un kuve un, kamber un ave sha mon, gba susen un zwa; tsô ve gba vaan.

Genese 33:4 Iomraidhean Croise

Genese 29:11

Tsô Yakob suse Rahel zwa, a gba vaan genger genger.

Genese 29:13

Tsô Laban ongo kwagh u Yakob wan u anngô na u kwase yô, a za ayem, a za kegh un gbenda, a kuve un, a suse un zwa, a va nyôr a na hen ya na. Shi a ôr Laban akaa la cii.

Genese 32:11

Shi yimam sha ikev i anngôm, sha ikev i Isou; gadia m ngu cian un mer, a̱ de va te num sha a mo, a̱ wuan ngô a ônov ga.

Genese 32:28

Nan kaa er: Á kera yilan we iti er Yakob ga, kpa á yilan we er Iserael, gadia u nôngo wav a Aôndo kua ior, u hemba kpaa.

Genese 43:30

Tsô Yosev er fefa, gadia sase un iyol a anngô na; a ker ian i una za vaa yô, a nyôr ken iyou i yaven a gba za vaan ker.

Genese 43:34

A gba karen ve kwaghyan u a lu un hen ikum la; u Benyamin hemba u hanmô ve kwa taan. Ve ma kwagh, ve ember a na imôngo.

Genese 45:2

Tsô a ngor mliam, a gba vaan genger genger; Mbaigipiti ungwa, kua mba hen ya u Farao kpaa.

Genese 46:29

Tsô Yosev zer ikyekye na sha anyinya, unde, yem za kegh ter na Iserael gbenda ken Goshen; tesen iyol na her a na yô, a kamber un ave sha mon a gba vaan un sha mon, vaa je shighe kar.

2 Samuel 14:33

Tsô Yoabi va hen tor, va ôr un; nahan a yila Abesalom, a va hen tor, a ngurum a wa ityough inya sha ishigh ki tor; nahan tor suse Abesalom zwa.

Nehemia 1:11

Tere, shi kegh ato sha msen u wanakiriki Wou man msen u mbayev Ou, mba i lu ve ka cian iti You yô; shi na wanakiriki Wou ikôr-laghen nyian, man na i̱ doo or ne a na. Mo yô, m lu or u nan tor kwaghman.

Yobu 2:12

Kpa er ve ta ashe ve za nenge a na ken ica je, man ve kav un ga yô, ve gba vaan genger genger; tsô hanmô ve ande riga u nan, ve tsenda inya sha, i va haa ve sha ityou.

Upasalmi 34:4

M ker TER, A ungwam, A maa A dughum ken mciem am cii.

Anzaakaa 16:7

Zum u aeren a or ka a doo TER yô, A na mbaihomov mba nan je kpaa, ve lu a nan doo doo.

Anzaakaa 21:1

Ishima i tor ngi sha ikev i TER er uikuwanmbamngerev nahan, ka A gema i henpe i sar Un cii.

Luka 15:20

Tsô a mough, a yem hen ter na. Kpa er lu ica je tsô, ter na ta ashe, za nenge a na, mhôônom kôr un kpishi, a wa ayem inya, a za kuve un, a gba susen un zwa.

Aerenakaa A Mbaapostoli 20:37

Ve cii ve vaa tsung, ve kuve Paulu, ve gba susen un zwa

1 Samuel 20:41

Wanye la yemen kera yô, Davidi mough hen ijiir i hen vegher u imbusutariyan la, a va, a va gure a kuma icul inya, a ngurum kwa tar; ve suse zwa ayol a ve, ve gba vaan ayol a ve, kpa Davidi hemba vaan.