Genese 3:5 - ICIGHAN BIBILO

⁵ gadia Aôndo fa iyange i né ya a la, iyange la ashe aa bugh ne, né hingir er Aôndo nahan, né gba fan kwagh u dedoo man kwagh u bo.

Genese 3:5 Iomraidhean Croise

Genese 2:17

kpa kon u mfe u fan kwagh u dedoo man kwagh u bo la, de ye u ga, gadia iyange i ú ya u la, ú kpe je.

Genese 2:9

TER Aôndo er hanma kon u doon u nengen man shi u doon u yan, u mende hen inya; man kon u uma kpaa lu her atô sule, kua kon u mfe u fan kwagh u dedoo man kwagh u bo.

Genese 3:10

Un gema kaa er: M ungwa iov You ken sule, nahan cier mo iyol, sha ci u m lu idyelegh yô; maa m yer.

Genese 3:22

Man TER Aôndo kaa er: Nenge, or hingir er mô Wase nahan, sha u fan kwagh u dedoo man kwagh u bo; hegen yô, a̱ de naregh uwegh a̱ tôôn ityamegh ki kon u uma ne a̱ yaan, a̱ tsôron ga.

Genese 3:7

Tsô ve uhar cii ashe a ve bugh, ve kav er ve lu idyelegh yô, nahan ve kor ika i tur, hingir ve akondo a zeren.

1 Utor 22:6

Tsô tor u Iserael kohol uprofeti, ve lu er deri unyiin nahan, a pine ve er: M̱ za, m̱ za nôngo ityav a Ramoti-gileadi, shin m̱ de ze ga? Ve kaa er: Gba zan tsô, gadia TER Una na un sha ikev i tor.

2 Kroniku 32:15

Yô, de rumun nen Hesekia a̱ tsughun ne, a̱ tsumen a ven nahan ga, man shi de kera ne nen un jighjigh kpaa ga, gadia ma aôndo môm môm u hanma ikur shin tartor fatyô u yiman ior nav sha ikev yam kua sha i uter av kpaa ga, man hire Aôndo wen Una yima ne sha ikev yam yee?

Upasalmi 12:4

ve mba ve kaan er: Ka sha nombor wase man sé hemba la; ityumbujôôgh yase ka i yase ayol a ase je, ka an nan lu tor sha a vese?

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Yesaia 14:14

me kôndo sha, me kar abeen a hemban gban ca la, me hingir er Uhembansha nahan,

Esekiel 13:22

Sha ci u ne vihi ishima i mbaperapera sha aie, mba M vihi ve asema ga, man ne taver ave a iferor, sha er nana̱ de kera hiden ijime sha gbenda u nan u bo, nana̱ war ga.

Esekiel 28:12

Wan u or, dugh kwelegh, ter tor u Tiru, kaa a na wer: Ter AÔNDO ngu kaan nahan er: We, u lu kunya u veren ikav a mi u kuman vough, u mgbough a mfe, man u doo ashe gande.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Esekiel 28:9

Nahan kpaa shi ú kaa wer: Mo m ngu aôndo, sha ishigh ki u a lu wuan we, er u lu or tsô u lu aôndo ga, sha ikev i u a lu gberen we avav la zee?

Esekiel 29:3

ôr kwagh, kaa wer: Ter AÔNDO ngu kaan nahan er: Nenge, M ngu num a we, we, Farao tor u Igipiti, zegedarakon u a yaven shin atô u iwagh ne, u a kaa er: Ifi wam ka u wam iyol yam je, m er un sha ci u wam iyol yam.

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Daniel 6:7

Mbahemenev mba ken tartor ne cii; uityombaiorov man mbatarev man mbawasenmhen man ugomna ve hen imôngo er, tor a̱ wa tindi, a̱ ta icin taveraa zan zan ayange ikundugber, er hanma or u nana sôn kwagh hen ma aôndo shin ma or, á kera lu her a we ga yô, tor a̱ gbihi nan shin ihungwa i ubegha.

Mateu 6:23

Kpa aluer ishe you ia lu i ifer yô, iyol you cii kpaa ia iv a ime. Nahan yô, aluer iwanger i i lu ken a we la ia lu ime yô, ime la, ia kehe tsô!

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

2 Timoteu 2:4

Ka orhendan u kenden a iyol na sha er un hemba hanma kwagh u i yer un er Aôndo man hanma kwagh u i civir un la kpaa zan zan una tema ken tempel u Aôndo, una yôô er ka un je un lu Aôndo ye.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 13:4

ve civir darakon sha ci u a gem tahav nav a ne inyam la yô, shi ve civir inyam la kpaa, ve kaa er: Ka an nan lu er inyam ne nahana, man shi ka an nana fatyô u nôngon ityav a ii?

Mbaajiriv 3:2

Ka sha u ikov i Mbaiserael ve̱ fa tsô, ka sha u tesen ve ityav mbi nôngon, jim je yô, ka mba ve vande fan kwagh u mbi ga la;