Genese 3:13 - ICIGHAN BIBILO

¹³ Tsô TER Aôndo kaa a kwase la er: Ka nyi kwagh u er nee? Kwase la kaa er: Ka iyô, i tsughum, ve m ye ye.

Genese 3:13 Iomraidhean Croise

Genese 12:18

Nahan Farao yila Aberam kaa er: Ka nyi u er a mo nahana? Inja na nan u kaam er i lu kwase wou ga?

Genese 44:15

Yosev kaa a ve er: Ka nyi kwagh, ne er nahana? Ne kera fa er or er mo nahan nana fa kwagh la kpee gaa?

2 Samuel 3:24

Tsô Yoabi va hen tor, va kaa er: Ka nyi u er nahan? Nenge, Abiner va her a we, man ka nyi u ne un gbenda a yem dedoo nahana?

1 Utor 13:18

Tsô a gema a kaa a na er: Mo kpaa, m ngu profeti er we nahan; man ortyom ôr kwagh a mo sha imo i TER, er: Hide a na hen ya wou, a̱ va ya kwagh, a̱ ma mngerem kpaa. Kpa lu tsughun un a tsugh.

Levitiku 12:5

Man aluer nana mar wan u kwase yô, nana kera lu wang ga zan zan ayange pue kar anyiin, vough er ayange a ka nan due won la nahan, ayange akunduatar kar ataratar nana lu ken awambe a mwanger la.

Yona 1:10

Nahan cier ior mbala iyol kpishi, ve kaa a na er: Ka nyi u er nahana? Gadia ior mbala fa er a lu yevese ishigh ki TER yô, sha ci u a vande ôron ve.

YOHANE 18:35

Pilatu gema kaa er: Mo m ngu Oryudaa? Ka nongo Wou man upristi mba tamen ve ne U sha ikev yam ye; ka nyi U ere?

Mbaromanu 7:11

Gadia er isholibo i zough a ian sha tindi yô, i tsume a mo i wuam sha mi kpaa.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

1 Timoteu 2:14

Adam yô, i tsugh un ga, kpa ka kwase man i tsugh un a hingir u peren tindi ye.

1 Samuel 13:11

Tsô Samuel pine er: Ka nyi u ere? Saulu kaa er: Ka sha ci u m nenge ior ve lu sarem her a mo kera man we kpaa u va sha iyange i i ver la ga, man Mbafiliti kpaa kohol hen Mikemashi,

1 Samuel 15:15

Saulu gema kaa er: I va a mi ken Mbaamaleki; gadia ior tsegha iyôngo kua ibua i hemban doon sha u nan TER, Aôndo wou, nagh a mi; mbigenev yô, se tim mbi purututu.