Genese 28:2 - ICIGHAN BIBILO

² Mough yem ken Padan-aram hen ya u Betuel, ter u ngôu, za er kwase ken ônov mba Laban, anngô u ngôu.

Genese 28:2 Iomraidhean Croise

Genese 24:10

Nahan wanakiriki la kôr urakumi pue ken urakumi mba ter na, maa a mough; a tôô hanma injakwagh i dedoo i ter na; tsô a kôr gbenda a gba yemen ken Mesopotamia, hen gar u Nahor.

Genese 24:29

Rebeka lu a anmgbian iti na er Laban; tsô Laban due ayem, za hen or la hen kpe u imbormnger la.

Genese 24:4

kpa ú za ken tar wam, ken ityô yam, ka keela man ú za er wan wam Isaka kwase ye.

Genese 24:50

Tsô Laban vea Betuel gema kaa er: Kwagh ne ka hen TER a dugh ye; se se fatyô u ôron we kwagh u bo shin u dedoo ga.

Genese 25:20

Isaka lu anyom akunduahar zum u a er wan u Betuel Orshiria u hen Padan-aram; ka Rebeka anngô u Laban Orshiria je la.

Genese 28:5

Tsô Isaka na Yakob gbenda; nahan a yem ken Padan-aram hen Laban wan u Betuel, Orshiria, anngô u Rebeka ngô u Yakob vea Isou la.

Genese 29:1

Tsô Yakob mough gba yemen sha tar u ior mba sha ityoughkitaregh la.

Genese 31:18

a kura uzendenya nav cii, man inyaregh nagh ki a kohol, uzendenya nav mba a zua a mi, mba a kohol hen Padan-aram la, sha u una yem hen ter na Isaka, ken tar u Kanaan yô.

Genese 32:10

mo m kuma sha erdoo ne cii, man sha mimi ne cii, u U er a wanakiriki wou ne ga; gadia iyange m peren Yordan ne yô m lu a aga tseegh, man hegen yô, hingir akum ahar je.

Genese 33:18

Yakob za nyôr ken gar u Shekem, u a lu ken tar u Kanaan la dedoo er a due ken Padan-aram yô; a haa afo ken akôngo a gar.

Genese 35:9

Aôndo shi ande hen Yakob, zum u a hide ken Padan-aram la, A ver un doo doo.

Genese 46:15

Mban ka ônov mba Lea, mba a mar a Yakob hen Padan-aram je ne, kua Dina wan na u kwase; kohol ônov nav mba nomso kua mba kasev cii yô, lu iorov ikundugber kar utar.

Hosea 12:12

Yakob yevese yem ken tar u Aram, Iserael er tom sha u zuan a kwase, sha u zuan a kwase yô, a kura ilev.

Hosea 12:13

Ka sha ikev i profeti TER due a Iserael ken tar u Igipiti, man sha ikev i profeti kpaa i kura un ye.