Genese 27:19 - ICIGHAN BIBILO

¹⁹ Yakob kaa a ter na er: Ka mo wan wou u iunda Isou, m er kwagh u u kaam la ve; yô, mough ase, tema sha, ya swase wam ne sha er ú verem doo doo yô.

Genese 27:19 Iomraidhean Croise

Genese 25:25

U iunda la due nyian bong, iyol na cii lu er ka ikondo i aivegh yô, nahan i ii un iti er Isou.

Genese 25:28

Isou doo Isaka ishima gadia un lu or u wan akor yum: Yakob yô, gema doo di Rebeka ishima.

Genese 27:18

Tsô a za hen ter na, a kaa er: Tereme! Un kpaa rumun er: Een, ka we ana, wan wama?

Genese 27:21

Isaka kaa a Yakob er: Shi kporom ase heen, m̱ pev u ave iyol yôô; ka we wan wam Isou mimi je kpa!

Genese 27:31

Un kpaa, a er kwaghyan u doon ken zwa, a va a mi hen ter na, a kaa a ter na er: Terem a̱ mough, a̱ ya swase u wan na, sha er ú verem doo doo yô.

Genese 27:35

A kaa er: Anngôu va ngohol iveren sha icugh kera ve.

Genese 27:4

erem kwaghyan u doon ken zwa, imba i m soo yô, vam a mi, m̱ ya, ishima yam i̱ ver u doo doo, er m lu a kpe ga ne.

Genese 27:45

zan zan ishima i vihin i anngôu a we i̱ kar kera, kwagh u u er un la a̱ hungul un ve; tsô me tindi i̱ za kua a we keregh; ka nyi man ne uhar cii né va saam kera iyange i mômô?

1 Utor 13:18

Tsô a gema a kaa a na er: Mo kpaa, m ngu profeti er we nahan; man ortyom ôr kwagh a mo sha imo i TER, er: Hide a na hen ya wou, a̱ va ya kwagh, a̱ ma mngerem kpaa. Kpa lu tsughun un a tsugh.

1 Utor 14:2

Tsô Yerobiam kaa a kwase na er: Shi mough ase gema iyol, i̱ de kera kaven er u lu kwase u Yerobiam ga; yô, za hen Shilo; nenge ka ker profeti Ahiya a lu ye, un u lu teren mo er me ya tor sha ior mban yô.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.