Genese 26:25 - ICIGHAN BIBILO

²⁵ Tsô a ta atse a nanden nagh sha mi heregh, a yila sha iti i TER; a tim tenti na heregh; mbatomov mba Isaka dugh ijôr her.

Genese 26:25 Iomraidhean Croise

Genese 13:18

Tsô Aberam mough a utenti nav yem za tema hen ikon i terebin i Mamre i i lu ken Heberon la. A ta TER atse a nanden nagh sha mi heregh.

Genese 13:4

ka henpe a ta atse a nan nagh sha mi hiihii la; Aberam yila sha iti i TER heregh.

Genese 22:9

Nahan ve za ar hen ijiir i Aôndo kaa un la; Aberaham ta atse heregh, a wa ikon vôôr vôôr, akange wan na Isaka a penda un sha atse, sha ikon la.

Genese 26:32

Sha iyange shon la je, mbatomov mba Isaka va, va ôr un kwagh u ijôr i ve dugh yô, ve kaa a na er: Se zua a mngerem shimi.

Genese 33:20

A ta atse a nan nagh sha mi heregh, a ii a iti er El-elohe-Iserael (ka Aôndo u Iserael A lu Aôndo ye).

Genese 35:1

Tsô Aôndo kaa a Yakob er: Mough yem hen Betel, za tema her; ka heregh je ú ta atse a nanden Aôndo nagh sha mi, u A ande her a we, zum u u yevese anngôu Isou la, ye.

Genese 4:26

Setu kpaa gema mar wan, ii un iti er Enoshi. Ka sha ayange la je man i hii u yilan sha iti i TER ye.

Genese 8:20

Tsô Noa ta atse a nanden TER nagh sha mi, a pande hanma injanyam i wang, man hanma injanyon i wang, a na nagh ku nanden sha atse la.

Upasalmi 116:17

Me na U nagh ku ishughun, me yila sha iti i TER.

Ekesodu 17:15

Tsô Mose ta atse a nan nagh sha mi, a ii a iti er Yehova-nishi (TER ka tuta wam);