Genese 26:24 - ICIGHAN BIBILO

²⁴ Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Genese 26:24 Iomraidhean Croise

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Genese 17:8

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 21:17

Kpa Aôndo ungwa mliam ma wan la; tsô ortyom u Aôndo yila Hagar Sha, kaa a na er: Ka nyi i er uwe, Hagar? De cie ga, gadia Aôndo ungwa imo i wan henpe a lu la.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 22:19

Tsô Aberaham hide va kohol mbayev nav; ve mough ve hide imôngo hen Bersheba; Aberaham maa tema hen Bersheba.

Genese 24:12

A kaa er: TERE, Aôndo, u terem Aberaham, ma U shi doom ikôr nyian, ma i doo U a terem Aberaham!

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Genese 28:15

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

Genese 28:3

Aôndo Uhembanagee, A̱ ver u doo doo, A̱ ngee u ônov, A̱ seer we iyenge u hingir ikpila i akuraior yô,

Genese 30:27

Tsô Laban kaa a na er: Aluer a shi doo u a mo yô, m nenge ikav er TER A verem doo doo sha ci wou yô.

Genese 31:5

a kaa a ve er: M nenge ishigh ki ter wen, kera ki a mo er ngise nahan ga; kpa Aôndo u terem gema lu a mo.

Genese 39:2

TER lu a Yosev, nahan ikôr doo un; lu hen ya u ter na, Origipiti.

Genese 39:3

Ter na kav er TER A lu a na yô, man shi er hanma kwagh u a ker ave mi cii TER A veren un doo doo yô,

Genese 46:1

Tsô Iserael mough a akaa a na cii, gba yemen, a va nyôr ken Bersheba, a na Aôndo u ter na Isaka nagh.

1 Utor 17:13

Tsô Eliya kaa a na er: De cie ga; za, za er kwagh u u kaa la, kpa vande panden eren mo anakpekpa a mi, va nam, tsô ú mase za eren sha ci wou kua wan wou.

Ekesodu 14:13

Kpa Mose kaa a ior er: De cie nen ga, tile nen her, nenge nen myem u TER Una yima ne nyian yô; er ne nengen Mbaigipiti nyian nahan, mayange né kera shi nenge a ve sha won ga,

Ekesodu 3:6

Shi A kaa er: Ka Mo, Aôndo u teru, Aôndo u Aberaham man Aôndo u Isaka man Aôndo u Yakob. Tsô Mose yer ishigh nagh kera; gadia lu cier un iyol u nengen a Aôndo.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 51:12

Ka Mo, M surun ne ishima ye! Ka nyi man we u cie or u nana va kpe man wan u or u á gema nan á hingir er toho kpaa yôô?

Yesaia 51:7

Ver nen ato her a Mo ne mba ne fe perapera, ne ior mba atindi Am a lu ken asema a en yô; de cie nen mlaha u ior ga, ishima i̱ de nyian ne sha ci u ityuhwanev vev mbi tuhwan kpaa ga.

Ukwelegh 3:57

U va ikua ikua sha iyange i m yila U; U kaa wer: De cie ga.

Levitiku 26:42

zum la Me umbur ikuryan Yam a Yakob; ikuryan Yam a Isaka man ikuryan Yam a Aberaham kpaa, Me umbur i; tar la kpaa Me umbur u.

Levitiku 26:45

Ka sha ci ve man Me umbur ikuryan i uter, mba M dugh a ve ken Igipiti sha ishigh ki akuraior sha u Me lu Aôndo ve ye, ka Mo TER.

Mateu 22:32

Mo M ngu Aôndo u Aberaham man Aôndo u Isaka man Aôndo u Yakob kpaa, gaa? Aôndo ka Aôndo u mbakpenev ga, kpa ka u mbaumav.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

Aerenakaa A Mbaapostoli 7:32

Ka Mo Aôndo u uter ou, Aôndo u Aberaham man u Isaka man u Yakob kpaa. Nahan ikarikase gbidye Mose iyol, a kera cihi u kenger sha mi ga.

Duteronomi 13:17

Ma kwagh u i tswer un, de saan a mi ga, sha er TER A̱ de iyugh Na i tsung la, A̱ zungwe u mhôônom, mhôônom ma kôr Un a we, A̱ seer we iyenge er A̱ bum a uter ou nahan,

Duteronomi 31:6

Taver ishima lu icihi, de cie ga, de luun a mciem iyol sha kwagh ve kpaa ga; gadia TER, Aôndo wou, ka Un A ze a we imôngo ye; Una kende u ga, Una undu u kpaa ga.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.

Mbaheberu 13:6

Nahan yô, se fatyô u kaan vangertiôr ser: Ter ka Orwasen mo, me kera cia ga, ka nyi je or á ereme?

Mpase U Yohane 1:17

M nengen a Na yô, m gba hen angahar a Na er orkpen nahan, kpa A penda uwegh Nagh ku yanegh sha mo, A kaa er: De cie ga. Mo M ngu u hiihii man u masetyô kpaa,

Rutu 3:11

Hegen yô, wan wam, de cie ga, hanma kwagh u u kaa, me er u; gadia hundagar u ior av cii fa er u lu kwase u injaa yô.