Genese 24:7 - ICIGHAN BIBILO

⁷ TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Genese 24:7 Iomraidhean Croise

Genese 13:15

gadia tar u, u nengen ne cii, Me na u, u̱ lu u wou kua u tsombor wou, gbem sha won.

Genese 15:18

Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:

Genese 16:7

Ortyom u TER za kohol un hen imbormnger ken desereti, hen imbor i i lu sha gbenda u zan sha Shur la.

Genese 17:8

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 21:17

Kpa Aôndo ungwa mliam ma wan la; tsô ortyom u Aôndo yila Hagar Sha, kaa a na er: Ka nyi i er uwe, Hagar? De cie ga, gadia Aôndo ungwa imo i wan henpe a lu la.

Genese 22:11

Kpa ortyom u TER yila un Sha, kaa er: Aberaham! Aberaham! A rumun er: Een.

Genese 24:3

yô, m̱ er a we, bum TER, Aôndo u Sha man Aôndo u tar, wer, ú er wan wam kwase ken ônkasev mba Mbakanaan, mba m tem hen ve ne, ga;

Genese 24:40

A kaa a mo er: TER u m zenden sha ishigh Nagh ne, Una tindi ortyom Na a we imôngo, Una doo u ikôr sha gbenda wou, ú er wan wam kwase ken ityô yam, ken ya u terem je;

Genese 26:24

Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Esera 1:2

Shirushi tor u Pershia ngu kaan nahan er: TER, Aôndo u Sha nam ityartor i sha won cii, man shi A kaa er, m̱ maa Un iyou ken Yerusalem, u a lu ken Yuda la.

Upasalmi 103:20

Wuese nen TER, ne mbatyomov Nav, ne mbaageev, mba ne eren sha imo Na, er ne we imo i kwaghôron Na iko yô.

Upasalmi 136:26

Wuese nen Aôndo u Sha, gadia erdoo Na ka u tsôron gbem sha won.

Upasalmi 32:8

Me pase u, shi Me tese u gbenda u ú za kpaa; Me wase u henen; ishe Yam ia lu sha a we.

Upasalmi 34:7

Ortyom u TER ka a haa afo a wa mbacian Un atô, a yima ve kpaa.

Upasalmi 73:24

Ú hemen mo sha mhen Wou, ken masetyô yô, U ngohol mo, Ú za a mo ken icivir.

Ekesodu 13:5

Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 32:13

Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.

Ekesodu 33:2

Me tindi ortyom a̱ hemen we–Me zenda Mbakanaan man Mbaamor man Mbahiti man Mbaperishi man Mbahivi man Mbayebushi kera—

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Yona 1:9

A kaa a ve er: Mo m ngu Orheberu, man m ngu cian TER, Aôndo u Sha, u A gbe zegemnger man tar.

Numeri 11:12

Ka mo m wa iyav mbu ior mban yee? Ka mo m mar ve shinii, ve U kaan a mo Wer: Kôr ve sha ikum er yese ka a kôr wan u man atumba nahan, a ve hen tar u U bum Wer Ú na uter vev la yee?

Numeri 14:16

Ka sha ci u TER A fetyô u nyôron a ior mban ken tar u A bum er Una na ve la ga man A woo ve ken desereti ye.

Numeri 14:30

ne yô, né nyôr ken tar u M bum Mer, Me na ne u, sha er né tema ker la je ga, saa Kalebu wan u Yefune man Yosua wan u Nun tseegh.

Numeri 32:11

Mba ve dugh ken Igipiti ne, mô ve môm u nan kom anyom ikundu man u nan hembe nahan yô, nana nenge tar u M bum a Aberaham man Isaka man Yakob la ashe je ga, sha er ve dondom sha ishima i môm ga yô,

Aerenakaa A Mbaapostoli 7:5

A na un ma dyako ken u ga, shin iaven i nguhar i môm tsô kpaa ga; kpa A tôndo zwa er Una na un u u̱ hingir kwagh na kua u tsombor na ken ijime na kpaa, er lu a lu a wan ga je.

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 34:4

TER kaa a na er: Ungun ka tar u M bum a Aberaham man Isaka man Yakob Mer: Me na tsombor wou u je ne; M tese u, u nenge u sha ashe ou, kpa ú per ú nyôr ker u ga.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 11:9

Ka sha jighjigh u nan man a za tema ken tar u ityendezwa la ye, er ka tar na ga nahan a tsaan ken utenti vea Isaka man Yakob mba ve lu mbayandyako imôngo sha dyako shon la môm môm je.

Yosua 1:6

Lu taveraa, taver ishima; gadia ú na ior mban vea ya dyako u tar u M bum a uter vev Mer, Me na ve la.

Yosua 24:3

Tsô M kua a ter wen Aberaham, yande Ifi keela M zende a na ken tar u Kanaan cii, M ngee un tsombor, M na un Isaka.

Mpase U Yohane 11:13

Hen shighe la je tar tenger kpen kpen, tiôn môm u ken atôôn pue a gar yôhôl, i wua ior dubu utaankaruhar sha mtenger u tar la, mba ve shi her yô, cier ve iyol, ve gba civir Aôndo u Sha.

Mbaajiriv 2:1

Tsô Ortyom u TER mough hen Gilgal, kôndo za hen Bokim. A kaa er: Ka Mo M er, ne dugh ken tar u Igipiti, M ve a ven ken tar u M bum a uter enev ne ye, man M kaa Mer: Me bunde ikuryan Yam a ven mayange ga;