Genese 24:3 - ICIGHAN BIBILO

³ yô, m̱ er a we, bum TER, Aôndo u Sha man Aôndo u tar, wer, ú er wan wam kwase ken ônkasev mba Mbakanaan, mba m tem hen ve ne, ga;

Genese 24:3 Iomraidhean Croise

Genese 14:19

A ver un doo doo, a kaa er: Aôndo Uhembansha A̱ ver Aberam doo doo, u A gbe Sha man tar la;

Genese 14:22

Kpa Aberam kaa a tor u Sodom er: M kende uwegh agh sha, sha TER Aôndo Uhembansha u A gbe Sha man tar,

Genese 21:23

Yô, ma u shi bum a mo heen, sha ishigh ki Aôndo wer, ú kera er a mo dang ga, shin a ônov av, shin a tsombor wam kpaa ga; kpa sha erdoo u m er a we yô, kape we kpaa ú er a mo je la, kua a tar u u lu shir her ne kpaa.

Genese 24:7

TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Genese 27:46

Rebeka kaa a Isaka er: Nyôrom iyol a ônkasev mba Mbahiti mban. Aluer Yakob una er kwase ken ônkasev mba Mbahiti, inja mban nahan, ken ônkasev mba hen tar ne yô, me shi me lu uma sha won sha ci u nyi?

Genese 28:1

Isaka yila Yakob ver un doo doo, wa un kwagh kaa er: De eren kwase ken ônkasev mba Kanaan ga.

Genese 28:8

man er Isou nenge er ônkasev mba Kanaan ve doo ter na Isaka ga yô,

Genese 34:9

Ne kpaa eren nen kasev a vese; naan nen se ônov enev mba kasev, ne di kpaa gema eren nen ônov asev mba kasev.

Genese 38:2

Keregh la, Yuda za nenge a wankwase u Orkanaan, iti na er Shua; a er un, a tsa a na.

Genese 47:31

A kaa er: Yô, bum ase; tsô a bum. Iserael maa gure sha ityough ki gambegh.

Genese 50:25

Yosev er ônov mba Iserael ve bum, a kaa er: Aôndo Una va sôr ne mimi je, nahan tôô nen akuhe am heen kera, yem nen a mi.

Genese 6:2

ônov mba Aôndo nenge ônkasev mba iorov doo ashe; tsô ve er kasev mba sha asema a ve cii.

Genese 6:4

Akôraior lu sha won sha ayange la, kua ken masejime kpaa, zum u ônov mba Aôndo tsa a ônkasev mba iorov, mar a ve la; mbala lu ior mba ageev, mba sha ayange a ngise la, mbaduenati je.

2 Utor 19:15

Tsô Hesekia sôn TER, kaa er: TER, Aôndo u Iserael, We u U tem sha ucerubi, ka We tseegh U lu Aôndo u ityartor i sha won cii ye; ka We je, U gbe Sha man tar ye.

2 Kroniku 2:12

Shi Huram kaa er: I̱ wuese TER, Aôndo u Iserael, U A er Sha man tar, u A ne tor Davidi wan u fan kwagh u a iv a kwaghfan man mkav er una maa iyou sha ci u TER, man iyou sha ci u tor na kpaa.

Esera 5:11

Ve gema ve kaa a vese er: Se mba mbayev mba Aôndo u Sha man tar, se mba maan iyou i lu i maa i anyom kar kpishi la, i zegetor u Iserael ugen lu maa i, kure kpaa la.

Nehemia 13:25

Nahan m zôhô a ve, m wa ve ifan, m gbidye mbagenev, m gbera ve ice, m er ve ve bum Aôndo, m kaa mer: De kera ne nen ônov enev mba kasev ner, ônov vev mba nomso ve̱ er ga, man shi de kera eren nen ônov vev mba kasev sha ci u ônov enev mba nomso ga, shin sha ci wen ayol a en kpaa ga.

Nehemia 9:6

We U ngu TER, We tseegh; We U er Sha man shi Sha u a lu sha la a ikum ve cii, tar kua akaa a a lu shin u kpaa man uzegembamngerev man akaa a a lu shimi cii, U koson a cii; ikum i Sha kpaa ngi civir We.

Upasalmi 115:15

TER A̱ ver ne doo doo, Un u A gbe sha man tar la.

Upasalmi 136:26

Wuese nen Aôndo u Sha, gadia erdoo Na ka u tsôron gbem sha won.

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Ekesodu 22:11

mbum u TER una kure ve kwagh la, shin nan bende uwegh sha kwagh u or la, shin nan bende ga yô; or u i lu kwagh u nan la kpaa i̱ kuma nan, nahan ugen la nana kimbi ga.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Ekesodu 34:16

shi ú er ônov vev mba kasev ú na ônov ou mba nomso kpaa; nahan ônov vev mba kasev mbala zum u vea eren idya sha u dondon mbaaôndo vev yô, vea na ônov ou mba nomso kpaa vea er idya sha u dondon mbaaôndo vev mbala.

Yesaia 45:23

M bum iyol Yam je, kwaghperapera due sha zwa Wam, kwaghôron u una kera hide ga yô, M kaa Mer: Ka Mo je, hanma inyu ia gulem inya, man hanma nombor kpaa ua bum ye.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yesaia 65:16

sha u or u nan ver iyol i nan doo doo shin tar yô, nana ver iyol i nan ken Aôndo u mimi, man u nan bumun shin tar yô, nana bum Aôndo u mimi; sha ci u mbamzeyol mba tsuaa la hungul ve kera, i yer ashe Am ve je.

Yeremia 10:11

Kaa nen ve nahan ner: Mbaaôndo mba ve gbe Sha man tar ga yô, vea saa ishe shin tar man sha won cii kpaa.

Yeremia 12:16

Tsô, aluer vea hen igbenda i ior Av sha gbashima, sha u bumun iti Yam kaan er: Er TER A lu u uma yô, er ve kpaa ve tese ior Av u bumun Baal nahan, nahan á maa ve ken atô u ior Av.

Yeremia 29:6

er nen kasev, mar nen ônov mba nomso kua mba kasev, er nen kasev na nen ônov enev mba nomso man naan nen ônov enev mba kasev ken unoo, ve̱ mar ônov mba nomso kua mba kasev; seer nen a seer ngeen, de panden nen a pande ga.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Sefania 1:5

man mba ve gur ve civir akum a Sha sha ityor i iyoughough, man mba ve civir, ve bumun TER shi ve gem ve bumun Malkam kpaa,

Numeri 5:21

pristi a̱ er kwase la a̱ bum mbum u wan or ifan, pristi a̱ kaa a kwase la er: TER A̱ er u hingir kwagh u wan ifan a mi man u eren ishor a mi hen ior ou, sha m-er u TER Una er u akooso ou á uma man iyav ou mbua mor la.

1 Mbakorinte 7:39

Kwase ngu sha tindi er nom u nan a lu uma yô. Kpa aluer nom u nan una kpe kera yô, nan ngu sha ian i nan iyol i nan, nan fatyô u eren nom sha ishima i nan, kpa i̱ lu ken Ter tseegh.

Duteronomi 10:20

Ka TER, Aôndo wou, cian Un ye, ka Un kpaa eren Un tom, ka Un var ken Na, shi ka ken iti Na kpaa bumun nen ye.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Mbaheberu 6:16

Gadia ior ka ve bum sha kwagh u a hembe yô, man ken akpelanakaa a ve cii mbum ka a kure kwagh vough.

Yosua 2:12

Yô, shi bum nen a mo sha ishigh ki TER er mo m er a ven dedoo nahan, ne kpaa né er a ya u terem dedoo; nam nen ikav i mimi,

Mbaajiriv 14:3

Tsô ter na kua ngô na ve kaa a na er: Kwase ban ken anmgbianev ou shin ken ior av cii man u gem u za er kwase ken Mbafiliti mba ve lu ipusu ne yee? Semson kaa a ter na er: Kpa erem nen un keng, gadia a doom ishima yum.

1 Samuel 20:17

Yonatan shi er Davidi seer bumun sha dooshima u a doo un ishima la, gadia a doo un ishima er iyol na nahan.

1 Samuel 30:15

Davidi pine un er: Tsô ú za a mo zan zan hen ikumutya la kpa? A kaa a na er: Yô, bum Aôndo a mo wer, ú wuam ga man shi ú nam sha ikev i orvesen wam kpaa ga, yô, me za a we hen ikumutya la.