Genese 23:2 - ICIGHAN BIBILO

² Sara kpe ken Kiriati-arba, ka Heberon je la, ken tar u Kanaan; Aberaham nyôr gba zungwen ku u Sara vaan un.

Genese 23:2 Iomraidhean Croise

Genese 13:18

Tsô Aberam mough a utenti nav yem za tema hen ikon i terebin i Mamre i i lu ken Heberon la. A ta TER atse a nanden nagh sha mi heregh.

Genese 23:1

Mtse u Sara sha won cii, lu anyom deri man ikundu kar ataankarahar; ka iyenge i anyom a uma u Sara sha won je la.

Genese 23:19

Tsô ken masetyô la, Aberaham ii kwase na Sara ken bar u tiôntar u Makpela sha ishigh ki Mamre, ka Heberon je la, ken tar u Kanaan.

Genese 24:67

Tsô Isaka va a na ken tenti u ngô na Sara; a kua a Rebeka, hingir kwase na; a doo un ishima. Isaka maa zua a msurshima sha ku u ngô na.

Genese 27:41

Nahan Isou kôr Yakob ihom sha ci u iveren i ter na ver un la; man Isou kaa ken ishima na er: Ayange a zungwen ku u terem mgbôghom ve, tsô shighe la me wua anngôm Yakob.

Genese 35:27

Tsô Yakob za hen ter na Isaka hen Mamre, hen Kiriati-arba, ka Heberon je la, henpe Aberaham man Isaka ve lu shir la.

Genese 37:14

A gema a kaa a na er: Yô, za za nenge er anngôôv ou ve lu yô, kua ilev kpaa, hide va ôrom. Ka shin pev u Heberon a lu man a tindi un er a̱ za ye; nahan a va nyôr ken Shekem.

Genese 50:1

Tsô Yosev ngurum sha ishigh ki ter na, gba vaan un susen un zwa.

Genese 50:10

Mba va nyer hen vande u gbidyen alakema u Atadi u u lu yande Yordan la yô, ve vaa ku heregh tsung; a wa ayange ataankarahar a vaan ku u ter na.

2 Samuel 1:12

ve zungwe, ve vaa, ve mem kwaghyan zan zan iyange kar been, sha ci u Saulu vea wan na Yonatan, man sha ci u ior mba TER, kua ya u Iserael kpaa; sha er ve kpe ku u ishôm yô.

2 Samuel 1:17

Nahan Davidi gber kwelegh ne, ter Saulu man wan na Yonatan.

2 Samuel 2:11

Ayange a Davidi lu tor ken Heberon sha Mbayuda yô, lu anyom ataankarahar man iwer ataratar.

2 Samuel 5:3

Nahan mbatamen mba Iserael cii va hen tor hen Heberon; tor Davidi ya ikur a ve hen Heberon sha ishigh ki TER; nahan ve shighe Davidi mkurem, ve ver un tor sha Iserael.

2 Samuel 5:5

Ken Heberon yô, a lu tor sha Yuda anyom ataankarahar man iwer ataratar; ken Yerusalem yô, a tema tor sha Iserael cii kua Yuda, anyom ikundugber kar atar.

1 Kroniku 6:57

Ônov mba Aron yô, i na ve agar a waren ker, ka Heberon, man Libena kua akôngo a na, man Yatir, man Eshetemoa kua akôngo a na,

2 Kroniku 35:25

Yeremia kpaa dugh kwelegh sha ci u Yoshia; mbawanatsam mba nomso cii kua mba kasev kpaa ve ter Yoshia ken ukwelegh vev zan zan nyian; gema hingir ieren ve u eren nahan ken Iserael je; nenge, i nger ve ken Ukwelegh.

Nehemia 11:25

Sha kwagh u agar man akôngo a ve yô, ônov mba Yuda mbagenev tema ken Kiriati-arba kua agar a na, man ken Dibon kua agar a na, man ken Yekabeseel man agar a na;

Yeremia 22:10

De vaan nen u a kpe la ga, man shi de zungu un kpa ga; kpa vaa nen tsung sha ci u wen u a yem la, gadia una kera hide ga, una kera nenge a tar u i mar un ker la kpaa ga.

Yeremia 22:18

Nahan yô, TER ngu kaan sha kwagh u Yehoyakim wan u Yoshia, tor u Yuda la, nahan er: Á kera vaa un er: Aye, anngômô! Shin: Aye, anngôm u kwase! kpaa ga. Á kera vaa un er: Aye, Tere! Shin: Aye, orcivirigh! kpaa ga.

Numeri 13:22

Ve kôndo sha Imbusutariyan la, ve va nyôr sha Heberon; Ahiman man Sesai man Talmai, ônov mba Anaki lu ker. Er i maa Heberon yô, anyom kar ataankarahar man i mase maan Soan ken Igipiti ye.

Numeri 20:29

Ior cii mba kaven er Aron a kpe yô, ya u Iserael cii vaa ku u Aron ayange ikundugber.

YOHANE 11:31

Tsô Mbayuda mba ve lu a na ken iyou ve lu yaren ku la mba nengen Maria moughon fese, dugh yô, ve dondo un ijime, ve lu henen er, ngu zan hen uwar sha u za vaan her.

YOHANE 11:35

Yesu vaa.

Aerenakaa A Mbaapostoli 8:2

Nomso mba cian Aôndo ii Sefanu; ve zungwe ku na kpishi.

Duteronomi 34:8

Mbaiserael vaa Mose hen ukpuunkpuun mba Moabi ayange ikundugber; tsô ayange a vaan ku u Mose la bee.

Yosua 10:39

a hemba un kua tor na, man agar a na cii; ve hemba ve sha zwa u sanker, ve tim mbaumav mba keregh ci ca cii, a kera shi ma or ga; Er lu er a Heberon nahan, kape er a Debir kua tor na kpaa la; er lu er a Libena kua tor na nahan kpaa.

Yosua 15:13

Man a na Kalebu wan u Yefune kwar ken ônov mba Yuda, er TER kaa a Yosua nahan, ka Kiriati-arba, ka Heberon je la; Arba la lu ter u Anaki.

Yosua 15:54

man Humeta man Kiriati-arba (ka Heberon je la), man Shior; agar ataankaranyiin kua agar a kiriki a a kase a la.

Yosua 20:7

Tsô ve tsegha Kedeshi ken Galilia sha tar u iwoogh u Nafetali la, man Shekem sha tar u iwoogh u Eferaim, man Kiriati-arba (ka Heberon je la) sha tar u iwoogh u Yuda.

Yosua 21:11

Ve na ve: Kiriati-arba, Arba ka ter u Anaki (ka Heberon je la,) sha tar u iwoogh u Yuda kua akôngo a lun a toho a a kase un yô.

Mbaajiriv 1:10

Yuda za nôngo ityav a Mbakanaan mba ve tema ken Heberon la (ngise la i yilan Heberon er Kiriati-arba); ve hemba Sheshai man Ahiman kua Talmai.

1 Samuel 20:31

Gadia ayange a wan u Yese a lu uma sha won ne, ú lu taveraa ga, we shin tartor wou kpaa ga. Yô, tindi ase ahegen i̱ va a na her a mô, gadia una kpe kpee.

1 Samuel 25:1

Tsô Samuel kpe; nahan Iserael kohol cii, ve vaa ku na, ve ii un hen ya na ken Rama. Tsô Davidi mough sen shin desereti u Paran.

1 Samuel 28:3

Samuel vande kpen kera ve, Iserael cii vaa ku na, man i ii un ken Rama ken gar na iyol na. Yô, Saulu vande zendan mba ve er kwagh a ujijingi mba mbakpenev man mbatsenganpasen akaa ken tar la kera.