Genese 22:7 - ICIGHAN BIBILO

⁷ Nahan Isaka ôr kwagh a ter na Aberaham kaa er: Terem. A rumun er: Een, wan wam. A kaa er: Usu ngun man ikon kpaa ngin, man waniyôngo u á za nande nagh a mi yô, ngu hana?

Genese 22:7 Iomraidhean Croise

Genese 22:8

Aberaham kaa er: Aôndo Una na waniyôngo u nanden nagh a mi iyol Na, wan wam; tsô ve gba yemen imôngo ve uhar cii.

Genese 8:20

Tsô Noa ta atse a nanden TER nagh sha mi, a pande hanma injanyam i wang, man hanma injanyon i wang, a na nagh ku nanden sha atse la.

Ekesodu 12:3

Ôr nen kwagh a mkohol u ior i Iserael cii, kaa nen ner: Uwer ne sha ayange a u pue la yô, hanmô ve nana̱ kôr gumile sha uya mba uter vev ser ser, hanma ya gumile a lu môm;

Ekesodu 29:38

Kwagh u ú na nagh a min sha atse la yô, a̱ lu agumaiyôngo ahar a a kom inyom i môm i môm, ayange ayange, i̱ de bundu ga.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 1:36

Tsô a nenge Yesu lu zenden, a kaa er: Nenge, Waniyôngo u Aôndo Ngula!

YOHANE 18:11

Nahan Yesu kaa a Peteru er: Wa sanker wou ken var. Iyongo i Ter A nem yô, Me ma i gaa?

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.