Genese 22:18 - ICIGHAN BIBILO

¹⁸ nahan akuraior a sha won cii aa zua a iveren ken tsombor wou, sha ci u, u we imo Yam iko yô.

Genese 22:18 Iomraidhean Croise

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 12:3

Mba vea ver u doo doo yô, Mo kpaa Me ver ve doo doo; or u nana wa u ifan la, Mo kpaa Me wa nan ifan; ka ken a we je akuraior a sha won cii aa zua a iveren ye.

Genese 18:18

er Aberaham a lu hingir ikyurior i vesen i ageegh, man akuraior sha won cii aa zua a iveren ken a na yôô?

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Genese 22:10

Tsô Aberaham za uwegh tôô ihô sha u una sôngo wan na.

Genese 22:3

Tsô Aberaham mough pepe pepe kange jaki na shidi; a mough a mbayev nav uhar kua Isaka wan na; a ar ikon sha ci u nagh ku nanden; a gba zan hen ijiir i Aôndo tese un la.

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Ekesodu 7:6

Mose man Aron ve er, er TER kaa ve la, kape ve er je la.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Yeremia 7:23

Kpa tindi ne M wa ve, M kaa Mer: Ver nen ato sha imo Yam, nahan Me hingir Aôndo wen, man shi ne kpaa né hingir ior Av, man zende nen sha gbenda u M kaa ne la cii, sha u i̱ kpe ne iyol yô.

Mateu 1:1

Takerada u tsombor u Yesu Kristu Wan u Davidi, wan u Aberaham la.

Aerenakaa A Mbaapostoli 3:25

Yô, ka ne je, ne lu ônov mba uprofeti man ônov mba ikuryan i Aôndo ya a Aberaham la ye, er: Ka ken tsombor wou je man akuraior a sha won cii aa zua a iveren ye.

Mbaromanu 1:3

ka Loho u sha Wan Na u A due ken tsombor u Davidi sha mlu u or la,

Mbagalatia 3:16

Ka Aberaham man i tende zwa a na ye kua vor na. I kaa er “vor imôngo” ga, inja na yô, ka kpishi ga, kpa ngu môm tseegh er, “man shi vor wou”, inja na yô, ka Kristu je la.

Mbagalatia 3:18

Aluer dyako una dugh ken tindi yô, ma a kera lu sha ityendezwa ga, kpa Aberaham yô, ka sha ityendezwa je man Aôndo rumun un sha mhôôn ye.

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.