Genese 21:6 - ICIGHAN BIBILO

⁶ Man Sara kaa er: Aôndo erem m hingir ahanzwa, hanma or u nan ongo kpaa, ahan á gba nan zwa sha kwagh wam ne.

Genese 21:6 Iomraidhean Croise

Genese 17:17

Tsô Aberaham gure wa ityough inya, gba sen, kaan ken ishima na er: Or u nan lu anyom deri kpaa, nana mar wana? Sara u a lu anyom akunduanyiingber je kpaa una mara?

Upasalmi 113:9

Ka A na, ikômkwase nan lu a ya, nan lu ngô u saan saan u mbayev. Haleluya.

Upasalmi 126:2

Shighe la zwa wase iv a ahan, man nombor wase a icam i wan; zum la i lu ôron ken akuraior er: TER er ve uzegembaakaav ve.

Yesaia 49:15

Wan u man atumba una hungul ngô na je kpa, mhôônom maa kôr un a wan u a dugh ken iyav nav la gaa? Shin ve yô, á hungul ve, kpa Mo yô, ú hungul Mo ga.

Yesaia 49:21

Nahan ú kaa ken ishima you wer: Ka an nan marem mbana, gadia i vande kuran mo mbayev kera, m hingir gbilin man orkwar, or u i gbihi nan kera? Ka an nan koso mbana? Nenge, i undum tswen; mban yô, ve lu hana?

Yesaia 54:1

Wa atsam, we ikômkwase u u mar ga ne, hii ember sha atsam; genger imo, we u u toghor mar ga ne; gadia ônov mba kwase u a lu tseeneke la, hemba ngeen a mba kwase u lun a nom, kape TER A kaa la.

Yeremia 20:15

Ifan i̱ kôr or u nan ve terem a loho, er: I mar u wannomso, nan ne er i̱ saan un iyol kpishi la.

Luka 1:14

Ú zua a iember á saan we iyol kpaa; ior kpishi vea ember sha mmar na.

Luka 1:58

Mba ve wa ndor a na man anmgbianev nav ungwa er Ter A zungu un mhôônom kpishi nahan ve ember a na imôngo.

Mbaromanu 12:15

Ember nen a mba ve ember imôngo. Vaa nen a mba ve vaa imôngo.

Mbaheberu 11:11

Ka sha jighjigh u nan man Sara iyol na kpaa a ngohol agee a jilen iyol ye, shin er shighe na kar nahan je kpaa, gadia a fa ken ishima er Un u A tende zwa la A lu u jighjigh yô.

1 Samuel 1:26

A kaa er: Terem, mimi je, er u lu uma ne terem, ka mo kwase u iyange m tile hen we heen sônon TER ne.