Genese 21:17 - ICIGHAN BIBILO

¹⁷ Kpa Aôndo ungwa mliam ma wan la; tsô ortyom u Aôndo yila Hagar Sha, kaa a na er: Ka nyi i er uwe, Hagar? De cie ga, gadia Aôndo ungwa imo i wan henpe a lu la.

Genese 21:17 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 16:11

Ortyom u TER shi seer kaan un er: Nenge, u ngu iyav, maren you wan u nomso je; ú ii un iti wer Ishemael, gadia TER ungwa u ken ican you.

Genese 16:7

Ortyom u TER za kohol un hen imbormnger ken desereti, hen imbor i i lu sha gbenda u zan sha Shur la.

Genese 16:8

A kaa er: Hagar, kpankwase u Sarai, u due han u ve, man ka han u zee? A kaa er: Ka ayem m yevese ngôm Sarai ye.

Genese 16:9

Ortyom u TER la, kaa a na er: Hide hen ngôu, hire a iyol you ijime, lu sha ikev na.

Genese 22:11

Kpa ortyom u TER yila un Sha, kaa er: Aberaham! Aberaham! A rumun er: Een.

Genese 24:7

TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Genese 26:24

Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Genese 46:3

A kaa er: Ka Mo Aôndo, Aôndo u teru, de cie u zan ken Igipiti ga, gadia Me gema u ú hingir ikurior i vesen keregh;

2 Utor 13:23

Kpa TER er a ve dedoo, zungwe ve mhôônom, A umbur ve sha ci u ikuryan Na i A ya a Aberaham man Isaka kua Yakob la, nahan A rumun u timin ve ga, man shi lu a ta ve kera sha ishigh Nagh ga, zan zan hegen.

2 Utor 13:4

Kpa Yehoahashi zamber a TER, nahan TER ungwa imo na, gadia A nenge ican i Iserael i tor u Shiria lu eren ve yô.

Upasalmi 10:14

U nenge a mi; gadia We, U ngu nengen zayol man ishimavihin, sha er Ú tôô sha uwegh Ough; ka her a We man isheeror ka i ver iyol i i ye; We, U lu Orwasen u ancôghol.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 6:8

Kar nen hen a mo kera, ne cii mba ne eren ifer; gadia TER ungwa kweleghmlia wam.

Upasalmi 65:2

We, u U ongo msen, ka hen a We man uuma cii vea va ye.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 14:13

Kpa Mose kaa a ior er: De cie nen ga, tile nen her, nenge nen myem u TER Una yima ne nyian yô; er ne nengen Mbaigipiti nyian nahan, mayange né kera shi nenge a ve sha won ga,

Ekesodu 22:23

Aluer ú er ve ma ican man vea gema vea vaa a Mo yô, Me ungwa mliam vem kpee je;

Ekesodu 22:27

gadia ka un tseegh a lu kwagh na u cirin ye, ka ikondo i cirin kwavyolough na je la. Ka nyi una yav a mini? Nahan yô, zum u una vaa a Mo yô, Me ungwa; gadia M ngu a mhôônom ma zungwen.

Ekesodu 3:2

Ortyom u TER ande her a na ken nomborusu u u due ken atô u ageva yô; a nenge, yô, ageva la, lu yeghen usu, kpa ageva la hia ga.

Ekesodu 3:7

TER shi kaa a na er: M nenge ican i ior Av mba ve lu ken Igipiti la, shi M ungwa mliam vem ma ve lu vaan mbatorough a ve la, gadia M fa atsan a ve la.

Yesaia 22:1

Mkaanem ma Aôndo sha pev u Mpase la. Ka nyi i er u, man we a ior ou cii, ne undu sha ityouv mbi ayoughouv nahana?

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Mateu 15:32

Tsô Yesu yila mbahenen Nav her a Na kaa a ve er: Mhôônom kôrom a ikpelaior ne, gadia mba a Mo ityô ka ayange atar je ne, man kwagh u vea ya kpaa, mba a min ga: yô, sarem pe nan ve gbenda ijen ga, sha u ve̱ de za vôron sha gbenda ga yô.

Marku 5:36

Kpa Yesu, er A ungwa kwagh u i kaa la yô, A kaa a orvesen u shinagoge la er: De cie ga, gba nan jighjigh tsô.

Duteronomi 26:7

tsô se vaa a TER, Aôndo u uter asev; TER kpaa ungwa mliam asem, A nenge ican yase man tom wase u ican kua mkighir u i lu kighir se la;

Mbaajiriv 18:23

Tsô ve yila ônov mba Dan. Mbala gema ashe, ve kaa a Mika er: Ka nyi i er u man u ve a ikpelaior nahana?

1 Samuel 11:5

Hen shighe la Saulu za hide ken toho, dondo sha ibua; tsô Saulu pine er: Ka nyi i tser ior mban, ve vaana? Nahan ve ôr un kwaghôron u ior mba Yabeshi la.