Genese 20:7 - ICIGHAN BIBILO

⁷ Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

Genese 20:7 Iomraidhean Croise

Genese 12:15

Mbatarev mba Farao kpaa nenge a na; tsô, ve gba wuese un sha ishigh ki Farao; maa i kua a kwase la, i za a mi hen ya u Farao.

Genese 12:17

Kpa TER tsaha tor Farao kua ya na cii, sha atsan a vesen, sha ci u Sarai kwase u Aberam la.

Genese 2:17

kpa kon u mfe u fan kwagh u dedoo man kwagh u bo la, de ye u ga, gadia iyange i ú ya u la, ú kpe je.

Genese 20:18

Gadia TER kondo usagh mba hen ya u Abimeleki ca ca, sha ci u kwagh u Sara, kwase u Aberaham.

Genese 20:3

Tsô Aôndo va hen Abimeleki ken mnyam ma cien tugh, kaa a na er: Nenge, ú kpe sha ci u kwase u u koo a mi ne; gadia ka kwase u or je.

Genese 20:8

Tsô Abimeleki mough pepe pepe yila mbatomov nav cii, ôr akaa ne cii sha ato ve; ior mbala cia kpishi.

Genese 23:6

Ungwa imo yase, tere; we u ngu ityough ki orough hen vese; yô, ii ku wou shin uwar wase u hemban la; man se kpaa, ma or u nana nyume u uwar u nan, er u̱ de iin ku wou ga yô, nan ngu ga.

2 Samuel 24:17

Tsô Davidi ôr kwagh a TER zum u a nenge a ortyom u a woo ior la yô, a kaa er: Nenge, m er kwaghbo, m er kwagh u vihin; kpa iyôngo ngin yô, ka nyi i ere? Yô, shi de, uwegh Ough ku̱ lu num a mo kua ya u terem tsô.

1 Utor 13:6

Tsô tor gba ôron kwagh, kaa a or u Aôndo la er: Yô, sôn ase TER, Aôndo wou, A̱ zungwem mhôônom, er msen sha ci wam er m̱ shi m̱ hide a uwegh agh her yô. Tsô or u Aôndo la zamber a TER, uwegh ku tor kpaa hide her er ku lu keke nahan.

2 Utor 5:11

Kpa ishima vihi Naaman, a gba zôhôn yemen kaan er: M fa mer, una due una va her a mo, una tile una yila iti i TER, Aôndo na, una tiligh uwegh sha ijiir la, una bee imande ne.

1 Kroniku 16:22

Lu kaan er: De benden nen mba M shigh ve mkurem la ave ga; uprofeti Av kpaa de eren nen ve kwagh u vihin ga.

2 Kroniku 30:18

Gadia ior kpishi mba ken Eferaim man Manase man Isakar kua Sebulon, ve lu a wanger ayol a ve ga, nahan kpaa ve ya Paseka, lu er i nger la nahan ga. Kpa Hesekia sôn sha ci ve, kaa er: TER u zungwen mhôônom, A̱ de hanma or isholibo i nan,

Yobu 34:19

Man hire Un u A te ken atiator sha dooshima ga, man A hemba wan mbanyarev iko a mbaatsanev kpaa ga, gadia ve cii ka tom u ave Na je.

Yobu 42:8

Yô, hegen, kôr nen anomabua ataankarahar man anomaiyôngo ataankarahar, za nen hen wanakiriki Wam Yobu, za na nen nagh ku nanden sha ci wen; wanakiriki Wam Yobu a̱ er msen sha ci wen; gadia Me rumun un, nahan Me kera or ne iyev sha lanegh enegh ga; gadia ne terem sha kwagh u mimi er wanakiriki Wam Yobu a er nahan ga.

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Ekesodu 18:17

Tsô terkem u Mose kaa a na er; Yô, kwagh u u eren la doo ga.

Ekesodu 4:16

Una hingir we or u lun a imo hen ior; man una hingir zwa wou, we ú gema ú hingir un er Aôndo nahan.

Ekesodu 7:1

Tsô TER kaa a Mose er: Nenge, M ver u, lu Farao er Aôndo nahan; anngôu Aron a̱ gema a̱ lu profeti wou.

Yeremia 14:11

Shi TER kaa a mo er: De kera eren msen sha ci u ior mban, i̱ kpe ve iyol ga.

Yeremia 15:1

Nahan TER kaa a mo er: Shin Mose kua Samuel vea tile sha ishigh Yagh je kpaa, mayange Me kera ver ishima sha ior mban ga; zenda ve sha ishigh Yagh kera, ve̱ yem kera.

Yeremia 27:18

Kpa aluer vea lu uprofeti je, man kwaghôron u TER una lu a ve yô, nahan yô, ve̱ zamber ase a TER u akum a Sha, er ikav mbi mbi shi ken iyou i TER man ken iyou i tor u Yuda man ken Yerusalem mbia za sha Babilon ga yô.

Esekiel 3:18

Aluer M kaa a iferor Mer, ú kpe kpee je, man ú kera wa nan kwagh ga, ú kera ôr kwagh, ú wa nan kwagh sha gbenda u nan u bo la sha u yiman uma u nan ga yô, iferor shon nana kpe ken ifer i nan, kpa awambe a nan yô, Me ker a her a we.

Esekiel 33:8

Zum u M kaa a iferor Mer: We iferor, ú kpe kpee, man ú kera ôr kwagh, ú wa iferor kwagh sha u nana̱ undu gbenda u nan ga yô, nahan iferor la nana kpe ken isholibo i nan, kpa awambe a nan yô, Me ker a her a we.

Levitiku 6:4

aluer nana er isholibo, man ibo ia kôr nan yô, nahan nana̱ hide a kwagh u nan ii la, shin kwagh u nan ye or sha apera la, shin inyaregh ki i ne nan, koso la, shin kwagh u a saa man nan zough a mi la,

Levitiku 6:7

pristi a̱ na iwom sha ci u nan sha ishigh ki TER, nahan á de nan kwaghbo u nan, sha hanma kwagh u nan er man nan hingir oriboogh sha mi la.

Aerenakaa A Mbaapostoli 8:24

Tsô Shimon gema kaa er: Er nen msen sha ci wam sôn nen Ter sha u akaa a ne ter ne, ma kwagh môm keregh a̱ de eren mo ga yô.

1 Mbakorinte 14:4

Or u lamen ijô yô, ka iyol i nan tseegh nan maan ye, kpa or u nan er kwaghôron u profeti yô, ka nongo u Kristu nan lu maan ye.

Mbaheberu 1:1

Ngise yô, Aôndo ôr kwagh a uter sha uprofeti acin imôngo man sha igbenda kposo kposo kpaa,

Mbaheberu 13:4

Ivaa i̱ lu kwagh u icivirigh hen ior cii, gambe u ivaagh kpaa a̱ de lu a acôghol ga, gadia Aôndo Una ôr mbaerenijimba man mbavihin ivaa sha idya la ijir.

1 Yohane 5:16

Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

1 Samuel 12:19

Tsô ior cii kaa a Samuel er: Sôn TER, Aôndo wou, sha ci u mbayev ou sha er se̱ de kpen ga yô; gadia se seer kwaghbo ne sha asorabo a ase cii, er se ker tor yô.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 7:5

Samuel shi kaa er: Kohol Iserael cii hen Misepa; yô, me va sôn TER sha ci wen.

1 Samuel 7:8

Tsô Mbaiserael kaa a Samuel er: De kera deen u sônon Aôndo sha ci wase ga, sha u A̱ yima se sha ikev i Mbafiliti.