Genese 2:9 - ICIGHAN BIBILO

⁹ TER Aôndo er hanma kon u doon u nengen man shi u doon u yan, u mende hen inya; man kon u uma kpaa lu her atô sule, kua kon u mfe u fan kwagh u dedoo man kwagh u bo.

Genese 2:9 Iomraidhean Croise

Genese 2:17

kpa kon u mfe u fan kwagh u dedoo man kwagh u bo la, de ye u ga, gadia iyange i ú ya u la, ú kpe je.

Genese 3:22

Man TER Aôndo kaa er: Nenge, or hingir er mô Wase nahan, sha u fan kwagh u dedoo man kwagh u bo; hegen yô, a̱ de naregh uwegh a̱ tôôn ityamegh ki kon u uma ne a̱ yaan, a̱ tsôron ga.

Genese 3:24

Nahan A zenda or la kera, A gema A ver ucerubi hen sule u Eden vegher u sha ityoughkitaregh la, kua sanker u usu u jingir, sha u kuran gbenda u kon u uma la.

Genese 3:3

kpa atam a kon u u lu hen atô sule la yô, Aôndo kaa er: De ye nen ga, ave tsô kpaa, de benden nen sha min ga, sha er né kpe ga yô.

Genese 3:5

gadia Aôndo fa iyange i né ya a la, iyange la ashe aa bugh ne, né hingir er Aôndo nahan, né gba fan kwagh u dedoo man kwagh u bo.

Anzaakaa 11:30

Ityamegh ki orperapera ka kon u uma je, u nan lu orfankwagh yô, ka nan wa ior.

Anzaakaa 3:18

Ngu kon u uma sha ci u mba ve ker sha mi la; or u nan kusu un yô, saan nan iyol.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yesaia 47:10

Gadia u suur sha ifer you; u kaa wer: Ma or ngu nengen ga. Mfe wou kua kwaghfan wou la ve tsume a we; man u kaa ken ishima you wer: Mo ne, ugen ngu ga saa mo.

Esekiel 31:16

M na akuraior a gbidye ikarikase iyol sha ci u iov i mgbe na, zum u M gbihi un shin Sheol a mba ve hongo shin ihungwa la imôngo; ikon i Eden cii, uicuwan man mba hemban doon mba Lebanon, mbamanmngerem cii, i sur ve asema shin ajiir a zan kweng a taregh la.

Esekiel 31:18

Ka an je u bee nan sha icivir you man mhembe wou ken ikon i Edenee? Nahan kpaa á hungwa a we a ikon i Eden imôngo, shin ajiir a zan kweng a taregh la; ú yav ken atô u mbaipusuv, a mba i woo ve sha sanker la imôngo. Ka Farao a ikpelaior na la cii je la, kape Ter AÔNDO A kaa ne.

Esekiel 47:12

Hen ifi la, sha akpe a na keen man keen, hanma inja i ikon i umen atam ia mende, ika i i ia use ga, atam a i kpaa aa bee ga; ia umen atam iwer iwer, sha ci u mngerem ma i ma dugh hen icighanjiir yô; atam a i kpaa aa lu kwaghyan, man ika i i kpaa ia lu sha ci u been angev.

YOHANE 6:48

Mo M ngu kwaghyan u uma.

1 Mbakorinte 8:1

Sha kwagh u inyamakombo yô, se fa er se cii se lu a kwaghfan yô. Kwaghfan yô, ne iyolmoron kpa dooshima yô, gem maan a maa.

Duteronomi 6:25

Nahan á gema á hingir perapera wase aluer sé ver ishima sé eren sha tindi ne cii, sha ishigh ki TER, Aôndo wase, er A kaa se yô.

Mpase U Yohane 2:7

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan, nana ya kon u uma u u lu ken Paradiso u Aôndo la.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

Mpase U Yohane 22:2

Ken atô u gbenda u ken gar la man shi ifi yande ne kua yande la kpaa kon u uma lu umen atam kwa pue kar uhar, hanma uwer u umen atam. Ika i kon la kpaa lu sha u been akuraior angev.