Genese 2:2 - ICIGHAN BIBILO

² Sha iyange i sha utaankaruhar la, Aôndo kure tom Na u A er yô; sha iyange i sha utaankaruhar la, A mem tom Na u A er cii yô:

Genese 2:2 Iomraidhean Croise

Genese 1:31

Tsô Aôndo gema nenge hanma kwagh u Un er yô, lu u doon tsung. Nahan hingir iyange i been man pepe, ka iyange i sha ataratar je la.

Genese 2:3

Man Aôndo ver iyange i sha utaankaruhar la doo doo, A tsegha i kpaa; sha ci u lu sha i man Aôndo mem tom Na cii, u A er sha u gban a gba u la ye.

Ekesodu 23:12

Er tom wou ayange ataratar, sha iyange i ataankarahar la mem, sha er bua wou kua jaki you kpaa ve̱ mem, wan u kpankwase wou kua shiror kpaa, i̱ yôhôl ve iyol.

Ekesodu 31:15

I̱ er tom ayange ataratar, kpa iyange i sha utaankaruhar la yô, ka iyange i memen, i̱ memen tom cii, ka icighankwagh u TER je; hanma or u nana er tom sha iyange i memen yô, i̱ wua nan kpee je.

Ekesodu 31:17

Ka ikav i hen atô Wan a Mbaiserael gbem sha won je; gadia TER er Sha man tar ayange ataratar, sha iyange i sha utaankaruhar la yô, A mem, yôhôl Un iyol.

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

YOHANE 5:17

Kpa A gema A kaa a ve er: Terem ngu eren tom her, Mo kpaa M ngu eren tom.

Duteronomi 5:14

kpa iyange i ataankarahar la yô, ka iyange i memen i TER, Aôndo wou, de ker tom ave sha i ga, we, man shi wan wou u nomso man shi wan wou u kwase man shi or u shiren we tom, man shi kwase u eren we tom, man shi bua wou, man shi jaki you, man shi hanma zendenya wou, man shi shiror wou u nan va nyer u a nyôr, sha u or u shiren we tom man kwase u eren we tom ve̱ mem er we nahan.

Mbaheberu 4:10

Nahan u nan nyer ken mmem Na yô, nan mem ityom i nan er Aôndo iyol Na kpaa A mem i Na nahan.

Mbaheberu 4:4

Gadia A ôr kwagh mape sha kwagh u iyange i sha utaankaruhar la er: Sha iyange i sha utaankaruhar la Aôndo mem ityom Na cii.