Genese 2:19 - ICIGHAN BIBILO

¹⁹ Ka inya, TER Aôndo er hanma inyamtoho man hanma inyon i sha a mi ye. Tsô A va a mi hen or la er Una nenge er nana yila ve yô; hanma myer u or la a yila hanma kwagh u uma yô, maa hingir iti na je.

Genese 2:19 Iomraidhean Croise

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 6:20

Inyon i sha, sha anza a i, man uzendenya sha anza a ve, man hanma kwagh u a kper a kpela inya u shin tar sha inja na; hanma nongokwagh, vea va her a we uhar uhar, sha u ve̱ war yô.

Genese 9:2

Hanma inyam i sha tar cii hanma inyon i sha kpaa, né cier ve iyol, vea cia ne; hanma kwagh u a kper a kpela inya cii kua ishu i shin zegemnger cii, i wa ne sha ikev.