Genese 2:17 - ICIGHAN BIBILO

¹⁷ kpa kon u mfe u fan kwagh u dedoo man kwagh u bo la, de ye u ga, gadia iyange i ú ya u la, ú kpe je.

Genese 2:17 Iomraidhean Croise

Genese 2:9

TER Aôndo er hanma kon u doon u nengen man shi u doon u yan, u mende hen inya; man kon u uma kpaa lu her atô sule, kua kon u mfe u fan kwagh u dedoo man kwagh u bo.

Genese 20:7

Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

Genese 3:11

A pine un er: Ka an nan kaa u er u ngu idyeleghee? U ya kon u yan M ta icin Mer, de ye ga la, zee?

Genese 3:17

Shi A kaa a or la er: Er u ongo imo i kwase wou, u ye atam a kon u iyange M ta u icin Mer, de ye ga la yô, tar u̱ lu a ifan iyol sha ci wou, ka sha ican je man ú ya u, sha ayange a ou cii ye,

Genese 3:19

ka sha iusa i sha ishigh you man ú ya kwaghyan ye, zan zan ú hide hen inya, gadia ka i, i tee, i er u min ye, gadia u ngu vuulevu, nahan ú shi ú hide ú hingir vuulevu.

1 Utor 2:37

Gadia iyange i ú due, ú per uwagh u Kideron yô, fa dedoo, ú kpe keng, awambe a ou aa lu sha ityough you.

1 Utor 2:42

Tsô tor tindi i za yila Shimei, a kaa a na er: Iyange m kaa u, u bum sha ishigh ki TER, m kaa a we je mer: Fa doo doo, iyange i ú za zende mape yô, ú kpe kpee gaa? U kaa a mo je wer: Mkaanem ou mara doo; m ungwa.

Yeremia 26:8

Zum u Yeremia kure akaa cii a TER kaa un er a̱ ôr ior cii la yô, upristi man uprofeti kua ior cii ve kôr un, ve kaa er: Kpen you keng.

Esekiel 18:13

una na injô una wa mngerem una ngohol mtsera, nahan shi una lu umaa? Mayange una lu uma ga. A er akaa a ndôhôrshima ne cii; á wua un kpee; ike i awambe a na ia hide sha ityough nagh.

Esekiel 18:32

Gadia saan Mo iyol a ku u or u nan kpe la ga, kape Ter AÔNDO A kaa ne; nahan yô, gema nen asema lu nen uma.

Esekiel 18:4

Nenge, uuma cii ka mba Av je, uma u ter kua uma u wan kpaa ka u Wam je; or u nan eren isholibo yô, ka nan nana kpe ye.

Esekiel 33:14

Man shi zum u Me kaa a iferor Mer: Ú kpe keng; aluer nana gema nana undu isholibo i nan, man nana er kwagh u sha tindi man u a lu vough yô—

Esekiel 33:8

Zum u M kaa a iferor Mer: We iferor, ú kpe kpee, man ú kera ôr kwagh, ú wa iferor kwagh sha u nana̱ undu gbenda u nan ga yô, nahan iferor la nana kpe ken isholibo i nan, kpa awambe a nan yô, Me ker a her a we.

Numeri 26:65

Gadia TER ôr kwagh ve er: Vea kpe ken desereti kpee; nahan mô ve môm kera shi ga, saa Kalebu wan u Yefune man Yosua wan u Nun.

Mbaromanu 1:32

Ve fa tindi u Aôndo dedoo er mba ve eren ambaakaa ne yô, ve kuma ku, nahan kpaa, mba eren a er a tseegh ga, shi mba rumun mba ve eren a la kpaa.

Mbaromanu 6:16

Ne kera fa gaa? Aluer ne na ayol a en sha ikev i kwagh sha u lun ikpan na man shi u ungwan imo na yô, ne mba ikpan i kwagh u ne ongo imo na la, shin a lu isholibo u zan ken ku, shin a lu iko i wan, u zan ken perapera.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mbaromanu 8:2

Gadia tindi u Jijingi u uma u a lu ken Kristu Yesu la pase u tuhwa sha ikev i tindi u isholibo man u kuugh la.

1 Mbakorinte 15:22

Gadia er i lu ken Adam man ior cii ve lu kpen yô, kape ken Kristu kpaa, á gema ior cii vea hingir mbaumav la.

1 Mbakorinte 15:56

Soho u kuugh yô, ka isholibo man agee a isholibo gema ka tindi.

Mbagalatia 3:10

Mba ve suur sha aeren a sha tindi cii, mba a ifan iyol. Gadia i nger er: Hanma or u nan we akaa a i nger a ken ruamabera u atindigh la cii iko sha u eren a ga yô, nan ngu a ifan iyol.

Mbaefese 5:14

Ka nahan man i kaa er: Nder, we u u yav ne, mough shin mbakpenev, man Kristu Una ta iwanger sha a we bong ye.

Duteronomi 27:26

Ifan i̱ kôr or u nan kera we iko u eren sha akaaôron a atindi ne ga yô. Ior cii ve̱ rumun er: Amen.

Duteronomi 30:15

Nenge, m ver u uma man mkpeyol, ku man shi kwaghbo sha ishi nyian,

Duteronomi 30:19

M yila Sha man tar, ve̱ lu shiada sha a ven nyian, er m ver uma man ku sha ishigh you, man shi iveren man ifan; yô, tsuwa uma sha er ú lu uma, we a tsombor wou;

Mbakolose 2:13

Man ne mba ne lu kpenegh ken aferakaa man ken ipusu i iyolough yen yô, A na ne uma a na imôngo, A de se atindi a se per la cii.

1 Timoteu 5:6

Kpa u nan lu kera ke kera yô, nan ngu kpenegh er nan lu uma ne je.

Yakobu 1:15

Zum u isharen ka i a jile iyol kera yô, i gema i mar isholibo. Isholibo di ia va vese yô i gema i dugh ku.

1 Yohane 5:16

Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

Mpase U Yohane 2:11

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, ku u sha uhar la ua er nan kwagh ga.

Mpase U Yohane 20:14

Ku man Hade yô, i kende ve ken berusu. Ka ku u sha uhar, ka berusu je la.

Mpase U Yohane 20:6

Or u nan lu a ci sha mnder u hiihii ne yô, saan nan iyol, nan ngu icighanor kpaa. Mban yô, ku u sha uhar la ngu a tahav sha a ve ga, vea gema vea lu upristi mba Aôndo man mba Kristu kpaa, vea tema tor a na imôngo sha anyom dubu la.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mbaajiriv 3:2

Ka sha u ikov i Mbaiserael ve̱ fa tsô, ka sha u tesen ve ityav mbi nôngon, jim je yô, ka mba ve vande fan kwagh u mbi ga la;

1 Samuel 14:39

Gadia er TER u A yem Iserael A lu u uma ne, shin a lu wan wam Yonatan je kpaa, una kpe kpee. Kpa ma or bugh un zwa ga.

1 Samuel 14:44

Nahan Saulu kaa er: Aôndo A̱ er nahan man i̱ hemba nahan kpaa, ú kpe kpee Yonatan.

1 Samuel 20:31

Gadia ayange a wan u Yese a lu uma sha won ne, ú lu taveraa ga, we shin tartor wou kpaa ga. Yô, tindi ase ahegen i̱ va a na her a mô, gadia una kpe kpee.

1 Samuel 22:16

Nahan kpaa tor kaa er: Ú kpe kpee Ahimeleki, we kua ya u teru cii.