Genese 19:9 - ICIGHAN BIBILO

⁹ Ve kaa er: Kpela keela. Shi ve kaa er: Or ne va shir tsô, man gema ngu veren iyol er un ngu orjir; yô, sé er u kwagh u bo á hemba u ve. Tsô ve imbishi or la, ka Loti je la, ve kporom sha u vihin hunda.

Genese 19:9 Iomraidhean Croise

Genese 11:6

TER kaa er: Nenge, ve cii, ka nongo môm, zwa ve kpaa ngu môm je; man ka kwagh u ve hii u eren je ne, nahan ma kwagh u ve we ishima u eren yô, una hemba ve ga.

Genese 13:12

Aberam yô, tema ken tar u Kanaan; Loti di tema ken uzegembaagarev mba ken gbulumaa la; a kporom a utenti nav za sôsom a Sodom.

Ekesodu 2:14

Ngula gema kaa a na er: Ka an nan ver u tor man orjir sha a vese? Ka u ka wuan mo er u woo Origipiti la nahana? Tsô mciem haa Mose iyol; a kaa er: Mimi je i fa kwagh ne ve!

Anzaakaa 14:16

Orfankwagh ka nan cian ifer, shi nan pav a i kpaa, kpa ibumeor yô, ka nan cihin kwagh, nan cian kwagh ga.

Anzaakaa 17:12

Guda or á kohol inyamikume i i kor i ônov kera, a u kohol ibumeor a lanegh nagh la.

Anzaakaa 27:3

Iwen ka kwagh u yuhwan je, waarawa kpaa yuhwa, kpa ishimavihin i ibumeor hemba akaa ahar ne cii.

Orpasenkwagh 10:13

Mhii u akaaôron a sha zwa u nan ka ibumegh je, mkur u kwaghôron u nan kpaa ka ihundugh ki dang je.

Orpasenkwagh 9:3

Akaa a a eren shin tar cii yô, kwagh ne ka kwagh u vihin er kwagh u a tseren ve la cii ngu môm; man shi ishima i ônov mba iorov kpaa i iv a ifer, ihundugh kpaa ki ve ken ishima er ve lu uma yô, ken masetyô la ve yem shin mbakpenev.

Yesaia 65:5

mba ve kaan er: Tile keela, de manger a mo ga, gayô i tsegham a tsegha je. Mban yô, kam mnyim ken ihinga je, usu u u shi hian didi.

Yeremia 3:3

Ka nahan man i nyume iura, man ura u masetyô kpaa u kera nôô ga ye; nahan kpaa u lu a icul i idyakwase, u rumun u van ahenge ga.

Yeremia 6:15

Ve va ahenge sha ci u ve er kwagh u ndôhôrshima yô; nahan kpaa kunya ngu ken ve côhin je ga, gadia ve fa ahenge a van kpaa ga; nahan yô, vea gba a mbagban imôngo; sha shighe u Me va tsaha ve la, vea nôngo gbev, kape TER A kaa ne.

Yeremia 8:12

Ve va ahenge sha ci u ve er kwagh u ndôhôrshima yô; nahan kpaa kunya ngu ken ve côhin je ga, gadia ve fa ahenge a van kpaa ga; nahan yô, vea gba a mbagban imôngo; sha shighe u Me va tsaha ve la, vea nôngo gbev, kape TER A kaa ne.

Esekiel 16:49

Nenge, ka iferkwagh i anngôu u kwase, Sodom ne: iyolgengese, u iden sha kwaghyan, man u lun ken mkpeyol bem bem a ônov nav mba kasev cii; man shi a wase mbaatsanev man mbaibanave ga.

Mateu 7:6

De ne nen iwa icighankwagh ga, man shi de gbihin nen igo utagbede enev sha ishi ga, sha u i̱ de ndyaren angahar sha mi, i̱ gema i̱ vihin ne iyol ga yô.

1 Samuel 17:44

Orfiliti la kaa a Davidi er: Va ase her a mo heen, me gema inyam you me na inyon i i purugh sha kua inyamtoho.

1 Samuel 2:16

Man aluer or la nana kaa a na er: Saa á vande nanden ahôm la kpee man ú pande kwagh u a sar u yô, a gema a kaa a nan er: Ei, nam hegen je, ga yô, me ngohol sha apera.

1 Samuel 25:17

Hegen yô, hen, fa kwagh u ú er yô, gadia i wa ishima u eren ter wase kwagh u vihin kua ya na cii kpaa; gadia un ka gbilinor je, gande u á ôr kwagh a na.