Genese 19:29 - ICIGHAN BIBILO

²⁹ Shighe u Aôndo timin agar a hen gburumaa la, Aôndo umbur Aberaham, A er Loti due ken mtim la kera, zum u lu timin agar a Loti tema ker la.

Genese 19:29 Iomraidhean Croise

Duteronomi 9:5

ka sha ci u perapera wou ga; shin ka sha er u lu ishima jighilii yum man u lu nyôron sha u ngohol tar ve ga, kpa ka sha ci u ifer i akuraior ne, man TER, Aôndo wou, A lu zendan ve sha ishigh you kera ye, man shi sha er Una er sha kwaghôron u TER lu bum a uter ou, Aberaham man Isaka man Yakob la.

Genese 8:1

Tsô Aôndo umbur Noa man inyam cii kua uzendenya cii, mba ve lu a na imôngo ken tso yô. Aôndo er ahumbe va ta sha tar, mngerem maa goho.

Upasalmi 25:7

De umbur asorabo am a m lu iyev la ga, man atindi a m lu peren la kpaa ga; umbur mo sha erdoo Wou, sha ci u mdoom Ou, TERE.

2 Peteru 2:7

Man A yima Loti or u perapera u a ya ican ken ishima tsung sha ci u ijimba i eren i mbaaferev mbala.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Upasalmi 145:20

TER kor mba A doo ve ishima la cii, kpa mbaaferev yô, Una tim ve kera.

Upasalmi 136:23

A umbur se ken mlu wase u icivirigh ga la, gadia erdoo Na ka u tsôron gbem sha won;

Upasalmi 106:4

Umbur mo, TERE, sha mdoom Ou ma i doon We a ior Ou la; va sôrom a myom Wou,

Upasalmi 105:42

Gadia A umbur icighanmkaan Na, kua wanakiriki Na Aberaham.

Nehemia 13:22

Shi m kaa a Mbalevi mer, ve̱ wanger ayol a ve, ve̱ va, ve̱ va kura ihindagar, sha u tseghan iyange i memen. Umbur mo Aôndo wam sha kwagh ne kpaa, man shi tsegham sha erdoo Wou u U lu a mi yum la.

Nehemia 13:14

Umbur mo Aôndo wam sha kwagh ne, de esen aeren a am a dedoo a m er sha ci u iyou i Aôndo wam kua sha ci u ityom i i la kpaa kera ga.

Genese 30:22

Aôndo umbur Rahel, shi Aôndo wa un iko kpaa, nahan A bugh un sagh.

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Upasalmi 105:8

A umbur ikuryan Na gbem, —ka mkaanem ma A kaa sha ci u ikov dubu je la—

Genese 11:27

Ungun ka tsombor u Tera ne: Tera mar Aberam man Nahor man Haran; Haran gema mar Loti.

Duteronomi 7:8

kpa ka sha ci u ne doo TER ishima man sha ci u A we ishima u kuren mbum u A bum a uter enev la, TER A dugh a ven sha uwegh ku ageegh A paa ne ken ya u ikpan sha ikev i Farao, tor u Igipiti ye.

Duteronomi 9:27

Umbur mbayev Ou, Aberaham man Isaka man Yakob, de we iko sha ityough ki taver ki ior mban ga, shin sha ifer ve, shin sha isholibo ve kpaa ga;

Esekiel 14:16

shin er ior mba utar mban vea lu ken u nahan kpaa, er M lu u uma ne, kape Ter AÔNDO A kaa ne, ma ve yom ônov mba nomso shin mba kasev kpaa ga; ka ve tseegh ma ve wer ye, kpa tar la yô, ua hingir ice.

Yobu 35:8

Ifer you yô, ka or er we nahan u er nan i ye; perapera wou kpaa ka wan u or una lu nan a inja ye.