Genese 19:24 - ICIGHAN BIBILO

²⁴ Tsô TER er sulfur man usu due sha TER Sha, haa sha Sodom man Gomora.

Genese 19:24 Iomraidhean Croise

Genese 13:10

Tsô Loti kende ashe, nenge gbulumaa u Yordan cii, lu a mngerem han han kpaa; er TER lu a tim Sodom man Gomora ga la, vegher u zan hen Soar la, lu er sule u TER yô, bee tar u Igipiti.

Genese 13:12

Aberam yô, tema ken tar u Kanaan; Loti di tema ken uzegembaagarev mba ken gbulumaa la; a kporom a utenti nav za sôsom a Sodom.

Genese 18:17

Tsô TER kaa er: Me yer Aberaham kwagh u M lu eren ne shinii;

Genese 19:23

Zum u Loti ar ken Soar la yô, iyange vande kôndon sha ve.

Yobu 1:16

Ngur ôron nahan yô, ugen shi za va, gba va kaan er: Usu u Aôndo sen Sha, va hia iyôngo kua mbatomov, wua kera; ka mo tseegh m wer m va kaan we ye.

Yobu 18:15

Kwagh u a lu u nan ga la, gema tema ken iyou i nan, i haa sulfur sha ya u nan.

Upasalmi 11:6

Una haa akausu a kpenger kpenger sha mbaaferev kua sulfur kpaa; ahumbe a hian, ka kwar u iyongo ve.

Ekesodu 9:23

Tsô Mose kende gbough nagh sha; nahan TER dura haa awombo, usu kpaa due sen shin inya; TER nôô ura u awomboogh ken tar u Igipiti.

Yesaia 1:9

Aluer TER u akum a Sha Una shi se asande ciôn her ga yô, ma se hingir er Sodom nahan, shi ma se hingir er Gomora nahan.

Yesaia 13:19

Babilon, icivir i ityartor, mdoom ma ihagh i Mbakaldi la, una lu er Sodom man Gomora nahan, zum u Aôndo yan tim ve kera la.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Yeremia 20:16

Or shon la nana̱ hingir er agar a TER yôhôl a, je A kera vaa afanyô ga la, nana̱ ungwa shisha vaa pepe man ikengeutya iyange sha tembe,

Yeremia 23:14

Kpa ken uprofeti mba Yerusalem yô, M nenge a kwagh u ndôhôrshima; ka ve er idya, ve zenden sha aie, ve taver ave a mbaerenifer, je ma or môm u geman undun ifer i nan nan ngu ga; ve cii ve hingir Mo er Sodom nahan, man mba ve tem ken a na er Gomora yô.

Yeremia 49:18

Er mtim u Sodom man Gomora man agar a a wa ndor a ve la nahan, kape TER A kaa ne, ma or nana kera tema heregh ga, man shi ma wan u or nana za shir ker kpaa ga.

Yeremia 50:40

Er Aôndo yôhôl Sodom man Gomora man agar a a wa ndor a ve nahan, kape TER A kaa ne, kape ma or nana kera tema ker ga, man shi ma wan u or nana kera za shir ker kpaa ga.

Ukwelegh 4:6

Gadia iferkwagh i wankwase u ior av kehe hemba kwaghbo u Sodom, u i yôhôl un kera fese, ma or za ave sha mi kpaa ga la.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Amoshi 4:11

M yôhôl ne er Aôndo yôhôl Sodom man Gomora nahan, ne lu er ityôndo i i sase duen a mi ken usu yô; nahan kpaa, ne hide her a mo ga, kape TER A kaa la.

Sefania 2:9

Nahan yô, TER u akum a Sha, Aôndo u Iserael ngu kaan nahan er: Er M lu u uma yô, mimi je, Moabi una hingir er Sodom, man Mbaamon er Gomora nahan, ijiir i imo menden her man ahungwa a bar, man ice gbem sha won; asande a ior Av aa sar ve, man asande a ikurior Yam a a shi her la aa ngohol ve.

Luka 10:12

Kpa M ngu kaan ne, sha iyange la yô, guda Sodom a gar la.

Duteronomi 28:24

TER Una gema ura u hen tar wou ua hingir vuwe man ihundu, ia due Sha ia sen sha we zan zan ú tim.

Duteronomi 29:22

Kov u u ve la, ônov enev mba vea mough ken ijime yen la, man or u hen nongo ugen u nan dugh ken tar u icaa kpaa, vea ôr kwagh zum u vea nenge atsan a hen tar la, man angev mbu TER A hee u mbu la;

Duteronomi 29:23

er inya i tar la cii kpaa i hingir sulfur man bar sha mnande u i nande u la, i kera lee kwagh sha i ga, man i mende iyiagh kpaa ga, ma kwagh môm kpaa kera mende sha i ga, er mtim u Sodom man Gomora man Adema man Seboim nahan, mba TER tim ve sha ishima i vihin Na man iyugh Na,

2 Peteru 2:6

Man A nande agar a Sodom man Gomora a hingir mtwem, A na ve ibo, i tim ve kera, A gema ve ve hingir ikav hen mba vea va venda Aôndo la cii.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.

Mpase U Yohane 14:10

nan kpaa nana ma wain u iyugh i Aôndo u i nongo kwagh sha mi ga i hee ken iyongo i iyugh Na la. Á er nan ican sha usu man sha sulfur sha ishigh ki uicighanmbatyomov mba Shaav man sha ishigh ki Waniyôngo kpaa.