Genese 19:21 - ICIGHAN BIBILO

²¹ A kaa a na er: Yô, sha kwagh ne kpaa, M rumun we ve, Me tim gar u u kaa la ga.

Genese 19:21 Iomraidhean Croise

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 18:24

Alaghga mbaperapera vea lu ken gar la akunduahargber, nahan kpaa Ú tim ijiir la, Ú tsegha i sha ci u mbaperapera mba akunduahargber la gaa?

Genese 19:20

Shi nenge, gar ne ngu heen ikua ikua u yevese za waren ker, ka u kiriki je. Yô, shi de, m̱ za ker, ka u kiriki tsô gaa? Uma wam a̱ war.

Genese 19:22

Er fefa, yem ker, gadia Me fatyô u eren ma kwagh ga, saa u nyôr ker ve. Ka nahan man i yila gar la er Soar ye.

Genese 4:7

Aluer wea er sha mi yô, ma u saan ki sha gaa? Man aluer wea er sha mi ga yô, nenge, isholibo kegh sha hunda je; ka sha a we je isharen i i, i lu ye, kpa ka we man ú hemba i ye.

Upasalmi 102:17

A ungwa msen u mba ve lu a orjime ga yô, A laha msen ve je ga.

Upasalmi 145:19

Una na mba ve cie Un la kwagh u a sar ve yô, man shi Una ungwa mliam vem, Una yima ve kpaa.

Upasalmi 34:15

Ashe a TER nga sha mbaperapera, A kegh ato sha u ungwan myer ve kpaa.

Ekesodu 33:17

TER shi kaa a Mose er: Kwagh u u kaa la, Me er un kpaa, gadia doom a we, shi M fa u sha iti you kpaa.

Yeremia 14:10

TER ngu ôron kwagh u ior mban kaan nahan er: Kape i doo ve u zenden wue wue je ne; mba her angahar inya ga; nahan TER kera rumun ve ga; hegen yô, Una umbur iferkwagh ve, man Una tsaha asorabo a ve.

Mateu 12:20

Ijinga i hemben Una sombo i ga; mou u imenger u yughur mnyim kpaa, Una pir ga, zan zan Una za a ijir hemen, á ar sha mhembe.

Luka 11:8

Me kaa ne shin er una mough u nan nan er nan lu ikar na ga kpaa, sha ci u a cihi kunya yum yô, una mough una na nan akaa a a gbe nan la cii.

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.

1 Samuel 25:35

Tsô Davidi ngohol kwagh u a ve un a mi la hen uwegh nagh, akaa a na er: Hire hen ya wou doo doo; nenge, m ungwa imo you, m rumun we kpaa.