Genese 19:15 - ICIGHAN BIBILO

¹⁵ Sev mbu av yô, mbatyomov gba torough a Loti kaan er: Mough kua kwase wou man ônov ou mba kasev mba uhar mba ve lu heen ne, sha er ú tim sha ibo i gar ne ga yô.

Genese 19:15 Iomraidhean Croise

Genese 19:14

Tsô Loti due ôr kwagh a ônov nav mba kemev mba ve sôôr ônov nav yô, a kaa er: Mough due nen hen ijiir ne kera; gadia TER timin gar ne je ne; kpa ônov nav mba kemev yô, lu ve er ka asenge a eren yô.

Genese 19:16

Kpa a er zô zô; ior mbala kôr un sha uwe kua kwase na man ônov nav mba kasev uhar, gadia Aôndo lu zungwen un mhôônom; ve due a na, ve ver un ken akôngo a gar.

Genese 19:17

Tsô zum u ve due a ve ken won yô, A kaa a ve er: Yevese war, de gem ashe ijime ga, gbulumaa ne cii kpaa, de til her ga, yevese yem sha uwo, sha er ú tim ga yô.

Genese 19:22

Er fefa, yem ker, gadia Me fatyô u eren ma kwagh ga, saa u nyôr ker ve. Ka nahan man i yila gar la er Soar ye.

Upasalmi 94:23

Una hide a aferakaa a ve sha ityough vev, Una tim ve ken iferkwagh ve kera; TER, Aôndo wase, Una tim ve kera.

2 Mbakorinte 6:2

Gadia ngu kaan er: Ka sha shighe u a doo la M ver ato we, sha iyange i myom la kpaa M wase u. Nenge, ka hegen je i lu shighe u doon ye, nenge ka hegen i lu iyange i myom kpaa ye.

Mpase U Yohane 18:4

Shi m ungwa imo igen due Sha kaa er: Nongoior Wam, due nen ken a na kera sha er né nyôr nongo sha asorabo a na ga, shi né ngohol atsan a tseren un la kpaa ga yô.