Genese 19:12 - ICIGHAN BIBILO

¹² Tsô ior mbala kaa a Loti er: Ior mbagenev kpaa mba u heene? Wankem man ônov ou mba nomso man mba kasev mba u lu a mi hen gar cii, due a ve hen ijiir ne kera;

Genese 19:12 Iomraidhean Croise

Genese 19:11

Tsô ve pir mba hen hunda u ya la ashe, mbakiriki kua mbatamen cii; ve ker hunda je ve vôr.

Genese 19:13

gadia timin yase ijiir ne, sha ci u mliam ma i vaa ve gba ikôr sha ishigh ki TER, nahan TER tindi se sha u se̱ va tim i.

Genese 19:14

Tsô Loti due ôr kwagh a ônov nav mba kemev mba ve sôôr ônov nav yô, a kaa er: Mough due nen hen ijiir ne kera; gadia TER timin gar ne je ne; kpa ônov nav mba kemev yô, lu ve er ka asenge a eren yô.

Genese 19:17

Tsô zum u ve due a ve ken won yô, A kaa a ve er: Yevese war, de gem ashe ijime ga, gbulumaa ne cii kpaa, de til her ga, yevese yem sha uwo, sha er ú tim ga yô.

Genese 19:22

Er fefa, yem ker, gadia Me fatyô u eren ma kwagh ga, saa u nyôr ker ve. Ka nahan man i yila gar la er Soar ye.

Genese 7:1

Shi TER kaa a Noa er: We a ya wou cii, nyôr nen ken tso; gadia ka we, M nenge u lu orperapera sha ishigh Yagh ken kov ne ye.

Yeremia 32:39

Me na ve ishima i môm man gbenda môm, sha u ve̱ ciam gbem, i̱ kpe ve iyol kua ônov vev mba ken ijime ve;

Yeremia 51:45

Ior Av, due nen ken atô na kera, hanma or nana̱ yima uma u nan sha ishima i vihin i tsung i TER la.

Numeri 16:26

A za ôr kwagh a ior, a kaa er: Kar nen hen utenti mba aferaior mban kera yôô; de benden nen ma kwagh ve ave ga, sha er né tim sha asorabo a ve la cii ga yô.

2 Peteru 2:7

Man A yima Loti or u perapera u a ya ican ken ishima tsung sha ci u ijimba i eren i mbaaferev mbala.

2 Peteru 2:9

Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve.

Mpase U Yohane 18:4

Shi m ungwa imo igen due Sha kaa er: Nongoior Wam, due nen ken a na kera sha er né nyôr nongo sha asorabo a na ga, shi né ngohol atsan a tseren un la kpaa ga yô.