Genese 18:14 - ICIGHAN BIBILO

¹⁴ Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Genese 18:14 Iomraidhean Croise

Genese 17:16

Me ver un doo doo man Me na u wan ken a na kpaa; Me ver un doo doo una hingir akuraior, utor mba iorov kpaa vea due ken a na.

Genese 17:21

Kpa ikuryan Yam yô, Me taver i ken Isaka, u Sara una mar u, sha inyom i sha, hen shighe ne nahan la.

Genese 18:10

A kaa er: Shi Mea hire her a we kpee, hen shighe ne nahan; man nenge, kwase wou Sara una mar wan. Yô, Sara gema lu sha hunda u tenti ken ijime Na, lu ungwan.

Genese 18:13

Tsô TER kaa a Aberaham er: Ka nyi Sara a sen a kaan er: Er m bee iyol kera, nahan kpaa me shi me mar wana?

Genese 18:15

Tsô Sara gba tunan kaan er: M se ga; gadia lu cian. Kpa TER kaa er: Ei, u se.

Genese 21:1

Tsô TER va sôr Sara er lu kaa nahan; TER er Sara kwagh u A vande teren la.

Genese 21:2

Sara wa iyav mar Aberaham wannomso er a bee iyol nahan kpaa, sha shighe u Aôndo lu kaa un la vough.

2 Utor 4:16

A kaa er: Inyom á va hurugh á kuman hen shighe ne yô, ú wa wan ikum. A kaa er: Eihe, terem, we or u Aôndo je, de tsughun kpan wou u kwase ga!

Yobu 36:5

Aôndo yô, ka u ageegh je, lahan ma or ga; ngu a tahav mbu mkav u ganden cii,

Yobu 42:2

M fa We U fatyô u eren akaa cii, ma awashima Wou u bunden ngu ga.

Upasalmi 90:13

TERE, hide, shi nan je? mhôônom ma kôr U a mbayev Ou.

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Upasalmi 95:3

Gadia TER ka Aôndo u vesen, ka Tor u vesen u hemban mbaaôndo mbagenev ca je.

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Yeremia 32:27

Nenge, Mo M ngu TER, Aôndo u uuma cii; ma kwagh u hemban Mo ngu jee?

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Sekaria 8:6

TER u akum a Sha ngu kaan nahan er: Aluer á lu kwagh u kpilighyol sha ashe a asande a ior a a shi her hen ayange la yô, nahan ashe Am kpaa á kpiligh a iyolo? Kape TER u akum a Sha A kaa ne.

Numeri 11:23

TER kaa a Mose er: Nahan uwegh ku TER yina zee? Hegen ú nenge kwaghôron Wam, shin una kure u sha mi vough, shin una kure ga kpaa.

Mateu 14:31

Fese nahan Yesu naregh uwegh Nagh, kôr un, kaa a na er: We u u lu a anjighjigh u nan kpeghee ne, ka nyi u te akperana?

Mateu 19:26

Kpa Yesu gem kenger ve yô, kaa a ve er: Or yô, fe kwagh ne ityô ga, kpa Aôndo yô, fe akaa cii ityô.

Mateu 3:9

man shi de kera henen nen ayol a en ner, se mba a ter wase Aberaham ga; gadia m ngu kaan ne mer, awen ne je kpaa Aôndo Una fatyô u geman a̱ hingir ônov mba Aberaham.

Marku 10:27

Kpa Yesu kenger ve, kaa er: Hen ior yô, kwagh ne a fatyô ga, kpa her Aôndo yô, ka nahan ga; gadia her Aôndo yô, akaa cii á fatyô.

Luka 1:13

Kpa ortyom la kaa a na er: De cie ga, Sekaria, gadia i ungwa msen wou; kwase wou, Elisabetu, kpaa una mar u wannomso, ú ii un iti wer Yohane.

Luka 1:18

Tsô Sekaria kaa a ortyom la er: Ka sha nyi man me fa kwagh nee? Gadia mo m bee iyol, kwase wam kpaa za gigh ve.

Luka 1:37

Gadia ma kwagh môm u a hembe Aôndo u eren un yô, ngu ga.

Luka 8:50

Kpa Yesu ongo nahan yô, A gema A kaa a na er: De cie ga, gba nan jighjigh tsô, á war un.

Mbaromanu 4:21

A fa dedoo er kwagh u A tende zwa yô, shi ngu a agee a eren un kpaa.

Mbaefese 3:20

Un yô, A fatyô u eren kwagh sha agee a a lu eren tom ken vese la je á hemba kwagh u se sen shi se lu henen la ica je kpaa.

Duteronomi 30:3

nahan TER, Aôndo wou, Una gema mlu wou, Una zungwe u mhôônom, Una shi á kohol we ken akuraior cii, henpe TER, Aôndo wou, vande samben we u za lu la.

Duteronomi 7:21

Ishima i̱ de te u kwe sha ci ve ga; gadia TER, Aôndo wou, ngu u hen atô, ka Aôndo u hemban man u cier iyol.

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

Mbafilipi 4:13

M ngu a agee a eren akaa cii je ken Un u A taver mo ne.

Mbaheberu 11:19

A fa ken ishima er Aôndo ngu a agee a nderen un shin mbakpenev je kpaa; ka shimi je man a shi a zua a na er ka ikav i tesen nahan kpaa ye.

Mbaajiriv 13:3

Tsô Ortyom u TER ande hen kwase la, kaa a na er: Nenge, u ngu ikômkwase je, u mar ga, kpa wan you iyav, ú mar wannomso.

1 Samuel 14:6

Yonatan kaa a wanye u tilin un ikav mbi tswamev la er: Va, sé za ken afo a mbaipusuv mban; alaghga TER Una nôngo ityav sha ci wase, gadia ma kwagh u yangen TER u nan mhembe shin a lu sha ikev i ior kpishi shin sha ikev i ior kpeghee kpaa ngu ga.