Genese 17:8 - ICIGHAN BIBILO

⁸ Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 17:8 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 13:15

gadia tar u, u nengen ne cii, Me na u, u̱ lu u wou kua u tsombor wou, gbem sha won.

Genese 13:17

Mough, zende tar ne cii, za kighir sha ilihen i u man igbanger i u, gadia nan Yam we u.

Genese 23:4

Mo m ngu orvannya man shiror hen a ven; yô, nam nen ijiir i iwaregh her a ven, i̱ hingir i yam je, sha u me ii ku wam kera yô.

Genese 26:24

Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Genese 28:4

A̱ na u iveren i Aberaham, we a tsombor wou, sha u u̱ ya dyako u tar u u lu shir ker ne, u Aôndo lu na Aberaham yô.

Genese 35:27

Tsô Yakob za hen ter na Isaka hen Mamre, hen Kiriati-arba, ka Heberon je la, henpe Aberaham man Isaka ve lu shir la.

Genese 36:7

Gadia akaa a ve ngee gande u vea tema imôngo; tar u ve lu shir ker la, yina ve, gadia uzendenya vev ngee yum.

Genese 37:1

Yakob tema ken tar u ter na lu shir ker la, ka Kanaan je la.

Genese 48:4

kaa a mo er: Me ngee u ônov, Me seer u a seer, Me gema u, ú hingir ikpila i akuraior, man Me gema tar ne Me na tsombor wou ken ijime you, á hingir kwagh u u gbem sha won.

2 Samuel 23:5

Kape ya wam a lu hen Aôndo je la gaa? Gadia A ya ikur i tsôron a mo, i i vande sôron i vighe vighe, man ka i bunden ga kpaa; gadia myom wam cii kua isharen yam cii, Una er er vea vese gaa?

1 Kroniku 16:18

er lu kaan er: Ka we je Me na u tar u Kanaan, u̱ lu kwar u dyako wen.

Upasalmi 103:17

Kpa erdoo u TER yô, ngu sha mba ve cie Un hii sha uicôronmbaashighev zan zan gbem sha won; perapera Na kpaa ngu zan zan sha ônov mba ônov je,

Upasalmi 105:11

er lu kaan er: Ka we je, Me na u tar u Kanaan, u̱ lu kwar u dyako wen.

Upasalmi 105:9

ikuryan i A ya a Aberaham, man mbum Na a Isaka;

Ekesodu 13:11

Tsô zum u TER Una nyôr a we ken tar u Mbakanaan er lu bum a we man uter ou la, Una za na u u yô,

Ekesodu 21:6

nahan, ter u nan a̱ za a nan hen Aôndo, a̱ va a nan hen hunda, shin hen kpande u imbusuhunda; ter u nan la, a̱ pev nan togh sha sua, nahan nana eren un tom gbem sha won.

Ekesodu 29:45

Man Me tema a ônov mba Iserael imôngo, Me lu Aôndo ve kpaa.

Ekesodu 32:13

Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.

Ekesodu 40:15

shighe ve mkurem er u shigh ter ve nahan, ve̱ eren Mo tom u pristi; mshigh ve la maa una na, vea lu upristi gbem sha ikov ikov.

Ekesodu 6:4

Shi M ya ikur a ve Mer, Me na ve tar u Kanaan, tar u shir ve, u ve lu shir ker la.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Yeremia 25:5

lu kaan er: Shi gema nen, hanmô wen nana̱ undu gbenda u nan u bo kua shi afer a aeren a en la, tema nen ken tar u TER A ne ne kua uter enev sha ikov ikov je;

Yeremia 31:1

Hen shighe la, kape TER A kaa ne, Me hingir Aôndo u icombor i Iserael cii, ve di vea gema á hingir ior Av.

Esekiel 11:20

sha u vea zende sha akaawan a Am man vea waan akaaôron a jirigh a Am iko, vea er sha a yô; vea hingir ior Av, Mo kpaa Me lu Aôndo ve.

Esekiel 33:24

Wan u or, ve mba ve tem ken uya mba i yôhôl ve kera ken tar u Iserael la, mba kaan er: Aberaham lu or môm tsô, man a ya dyako u tar ne; man se yô, se mba kpishi, i na se tar ne, u hingir se dyako.

Levitiku 14:34

Zum u né ar ken tar u Kanaan, u M lu nan ne Mer, u̱ lu u wen la yô, Mea haa angev mbu imandev ken ma iyou igen ken tar wen la,

Levitiku 16:34

I̱ hingir ne tindi u gbem sha won je, u nan iwom sha ci u Mbaiserael sha ci u asorabo a ve cii, hanma inyom kwa môm. Tsô a er er TER kaa Mose nahan.

Levitiku 26:12

Me zende hen atô wen, Me lu Aôndo wen, ne né lu ior Av.

Sekaria 8:8

Me hide a ve, vea va tema ken atô u Yerusalem, vea hingir ior Av, Mo kpaa Me hingir Aôndo ve ken jighjigh man ken perapera.

Numeri 10:29

Tsô Mose kaa a Hobabi, wan u Reuel, Ormidian u a lu terkem u Mose la er: Se mba yemen hen ijiir i TER A kaa er: Me na ne i la; yô, mough a vese imôngo, sé er a we dedoo; gadia TER ôr kwagh u dedoo sha Iserael.

Numeri 25:13

ia lu un a tsombor na u ken ijime na, ikuryan i sha tom u pristi gbem, sha er a we iyol sha kwagh u Aôndo na, man a ne iwom sha ci u Mbaiserael kpaa yô.

Numeri 27:12

Tsô TER kaa a Mose er: Unde sha uwo u Abarim ne, ta ashe nenge tar u M ne Mbaiserael la.

Aerenakaa A Mbaapostoli 7:5

A na un ma dyako ken u ga, shin iaven i nguhar i môm tsô kpaa ga; kpa A tôndo zwa er Una na un u u̱ hingir kwagh na kua u tsombor na ken ijime na kpaa, er lu a lu a wan ga je.

Duteronomi 14:2

Gadia u ngu TER, Aôndo Wou, icighanikurior je; ken akuraior sha won cii, ka we, TER A tsough u, u hingir ikurior Na jim ye.

Duteronomi 26:18

Nyian kpaa TER rumun er we, u̱ lu ikurior Na iyol Na jim, er A kaa a we nahan, man ú waan atindi Na cii iko;

Duteronomi 29:13

sha er Una ver u nyian u̱ hingir ikurior Na, man Una lu Aôndo wou er A kaa u nahan man er A bum a uter ou Aberaham man Isaka man Yakob yô.

Duteronomi 32:49

Za za unde sha uwo u Abarim, ka uwo u Nebo u u lu ken tar u Moabi, u u lu sha ishigh ki Yeriko la; yô, nenge tar u Kanaan u M lu nan Mbaiserael sha u ve̱ ya dyako sha u la;

Duteronomi 32:8

Zum u Uhembansha na akuraior a sha won dyako ve la, zum u A pav ônov mba iorov yô, A ver akuraior akighir a ityar ve sha iyenge i ônov mba Iserael.

Duteronomi 34:4

TER kaa a na er: Ungun ka tar u M bum a Aberaham man Isaka man Yakob Mer: Me na tsombor wou u je ne; M tese u, u nenge u sha ashe ou, kpa ú per ú nyôr ker u ga.

Duteronomi 4:37

Ka sha ci u uter ou lu doo Un ishima man A tsuwa tsombor ve u ken ijime, man Un iyol Na A due a we sha agee Na a hemban la ken Igipiti ye,

Duteronomi 9:5

ka sha ci u perapera wou ga; shin ka sha er u lu ishima jighilii yum man u lu nyôron sha u ngohol tar ve ga, kpa ka sha ci u ifer i akuraior ne, man TER, Aôndo wou, A lu zendan ve sha ishigh you kera ye, man shi sha er Una er sha kwaghôron u TER lu bum a uter ou, Aberaham man Isaka man Yakob la.

Mbaheberu 9:15

Ka sha kwagh ne A lu Orhimen u ikuryan i he ye, sha er mba i yer ve yô, ma ve zough a dyako u tsôron u i tende zwa la gadia A kpe ku sha u paan atindi a peren a ken ikuryan i tse la.

Yosua 1:2

Wanakiriki Wam Mose kpe; yô, mough hegen, we man ior ne cii, per Yordan ne, yem nen ken tar u M lu nan ve la, ka ve Mbaiserael.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.