Genese 17:10 - ICIGHAN BIBILO

¹⁰ Ingin ka ikuryan Yam i né waan i iko hen atô Wam a we man tsombor wou ken ijime you ne: I̱ tsôngon hanma wannomso wen.

Genese 17:10 Iomraidhean Croise

Genese 17:11

Á tsôngon ne ipusu yen, á lu ikav i ikuryan her atô Wam a ven.

Genese 17:23

Tsô Aberaham kua wan na Ishemael man umarinya nav cii man mba a yam sha inyar cii, hanma nomsoor u hen ya u Aberaham; sha iyange la je, a tsôngo ve ipusu ve, er Aôndo kaa un yô.

Genese 17:27

man nomso mba hen ya na cii; umarinya mba hen ya, man mba i yam ve sha inyar a nongo ugen kposo, i tsôngo ve a na imôngo.

Genese 21:4

Aberaham tsôngo wan na Isaka zum u a kuma ayange anigheni yô, er Aôndo kaa un nahan.

Genese 34:15

Kwagh u né er keng man sé rumun ne yô, saa né hingir er se nahan; inja na yô, hanma nomsoor ken a ven nana̱ tsôngo;

Genese 34:22

Kwagh u á er man ior mban vea rumun u teman a vese, sé hingir nongo môm a ve yô, ka u hanma nomsoor ken a vese nana̱ tsôngo, di er ve kpaa ve lu mbaicôngov nahan.

Ekesodu 12:48

Aluer ma shiror u nan nyer u a nyôr á sar nan pe yan Paseka, civir TER yô, i̱ tsôngo nomso mba hen ya u nan, man nana kporom nana za ya ye; nana hingir er ka or u tar la yô; kpa oripusu môm môm nana̱ de ye un ga.

Ekesodu 4:25

Tsô Shipora tôô iwen i esen, tôndo ipusu i wan na, kende shin angahar na, kaa er: Mimi je, u ngum orkwasehe u awambe.

Yeremia 4:4

Tsôngo nen ayol a en sha ci u TER, kar nen a apusu a asema a en kera, ne ior mba Yuda kua mba ve tem ken Yerusalem, sha er iyugh Yam i̱ de yeghen er usu nahan, i̱ hia zan zan ma or u pirin nana lu ga ze, sha ci u ifer i aeren a en la.

YOHANE 7:22

Yô, lu Mose na ne icôngo ye, kpa lu hen Mose i due ga, lu hen uter je, man sha iyange i memen je kpaa ka ne tsôngo or.

Aerenakaa A Mbaapostoli 7:8

A Shi A na un ikuryan i icôngo kpaa; nahan a mar Isaka, a tsôngo un sha iyange i sha anigheni. Isaka di va mar Yakob, Yakob gema mar di uter mba tamen mba pue kar uhar mbala.

Mbaromanu 2:28

Gadia ka or u nan lu Oryuda sha mnenge u sha ashe la tsô nan lu Oryuda ga, shin ka kwagh u sha mnenge u sha ashe man u ken iyol la a lu icôngo ga.

Mbaromanu 3:25

Un yô, Aôndo vande veren Un er A̱ lu iwom i sha jighjigh u nan, sha awambe a Na. Lu sha u Aôndo Una tese perapera Na gadia asorabo a i vande eren tsuaa sha shighe u ishimawan i Aôndo la yô, A kera wa a iko ga.

Mbaromanu 3:28

Nahan se fa, or yô, ka sha jighjigh u nan i ne nan ishô ye, kwagh u aeren a sha atindi ngu sha mi ga.

Mbaromanu 3:30

aluer Aôndo ngu môm tsô yô, u Una na mbaicôngo ishô sha jighjigh u nan, kua mbaipusu kpaa sha ci u jighjigh u nan.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbagalatia 6:12

Ka mbala mba i sar ve pe mongor sha ashe a ior la man ve lu nôngon pe kighir ne sha u ne̱ tsôngo ye, ka sha u i̱ de kera tôvon ve a ican sha kwagh u terankon u Kristu la ga yô.

Mbaefese 2:11

Nahan yô, umbur nen er ngise ne lu atôatyev ken iyol; mba i yer ve iti sha icôngo i ka i er ken iyol sha ave la yô, ve gema ve yilan ne er mbaipusuv.

Duteronomi 10:16

Yô, tsôngo nen ipusu i asema a en, de kera shi luun nen mba nômbon ikôr ga.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Yosua 5:2

Hen shighe la je, TER kaa a Yosua er: Er ahô sha awen, shi tsôngo Mbaiserael mtsenge u sha kwa har.

Yosua 5:4

Er i hii man Yosua tsôngo ve yô, ior mba ve due ken Igipiti cii mbanomso mba ve lu mbanôngontyav la cii, ve kpe sha gbenda ken toho ken ijime i ve due ken Igipiti la.