Genese 15:6 - ICIGHAN BIBILO

⁶ A na TER jighjigh, tsô A gema kwagh ne hingir perapera na je.

Genese 15:6 Iomraidhean Croise

Nehemia 9:8

U zua un a ishima i jighjigh sha ishigh You man shi U tôndo zwa a na kpaa, Wer, Ú na un tar u Mbakanaan man Mbahiti man Mbaamor man Mbaperishi man Mbayebushi kua Mbagirgashi, Ú na tsombor na je; man shi U er sha kwaghôron Wou vough, gadia We U ngu u perapera.

Upasalmi 106:31

Tsô kwagh la maa hingir perapera na je, sha ikov ikov gbem sha won.

Mbaromanu 4:11

A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.

Mbaromanu 4:9

Nahan msaanyol ne ngu sha ci u mbaicôngo tseegh shinii, ngu sha ci u mbaipusu kpaa? Gadia se mba kaan ser, i gema jighjigh u nan u Aberaham la i nenge er ka perapera na je la.

2 Mbakorinte 5:19

Inja na yô, Aôndo lu ken Kristu, lu himen tar a iyol Na, kera na ve ibo sha mbamper mba ve per tindi la ga, shi A na se loho u mhim la sha ikev kpaa.

Mbaheberu 11:8

Ka sha jighjigh u nan man Aberaham zum u i yila un yô, a wa iko a due a gba yemen hen ijiir i una va ya dyako sha mi la, a due kpa a fa ape a lu zan je ga.

Yakobu 2:23

Nahan icighanruamabera kure sha mi vough u a kaa er: Aberaham na Aôndo jighjigh nahan A gema kwagh la hingir perapera na je la, man shi er: I yila un er ikar u Aôndo la.