Genese 13:14 - ICIGHAN BIBILO

¹⁴ TER ôr kwagh a Aberam, zum u Loti pav a na la, kaa er: Kende ashe sha yôô; hen ape u lu ne je, gema nenge ken imbusutarimese man iyan man ityoughkitaregh man ityôtar kpaa,

Genese 13:14 Iomraidhean Croise

Genese 13:10

Tsô Loti kende ashe, nenge gbulumaa u Yordan cii, lu a mngerem han han kpaa; er TER lu a tim Sodom man Gomora ga la, vegher u zan hen Soar la, lu er sule u TER yô, bee tar u Igipiti.

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Yesaia 49:18

Kende ashe ou sha, jinge kera, man nenge; ve cii mba kohol imôngo, mba van her a we. Er M lu u uma yô, kape TER kaa la, mimi je ú wuha iyol sha a ve cii er ka ikav mbi hweev yô, man ú zer ve iyol er ka kwasehe nahan.

Yesaia 60:4

Kende ashe, kenger hanma ian, nenge; ve cii mba kohol mba van her a we; ônov ou mba nomso mba moughon ken ica, van her a we, ônov ou mba kasev kpaa, mba van a ve sha ihan.

Duteronomi 3:27

Unde sha ityough ki Pisega, gema ashe ou shin ityôtar man ken imbusutarimese man ken imbusutariyan man sha ityoughkitaregh, nenge sha ashe a ou je, gadia peren you Yordan ne ga.

Duteronomi 34:1

Tsô Mose mough hen ukpuunkpuun mba Moabi unde sha uwo u Nebo sha ityough ki Pisega, u a lu sha ishigh ki Yeriko la. TER tese un tar la cii, hii hen Gileadi zan zan ar hen Dan,