Genese 13:12 - ICIGHAN BIBILO

¹² Aberam yô, tema ken tar u Kanaan; Loti di tema ken uzegembaagarev mba ken gbulumaa la; a kporom a utenti nav za sôsom a Sodom.

Genese 13:12 Iomraidhean Croise

Genese 13:11

Maa Loti tsôr gbulumaa u Yordan la cii; tsô Loti hembe, yem vegher u sha ityoughkitaregh; ve pav ayol a ve.

Genese 14:12

Ve kôr Loti, wan u idyondon u Aberam la kpaa, a akaa a na, ve yem a mi; gadia a lu ken Sodom.

Genese 14:2

ve gba ityav a Ber, tor u Sodom, man Birsha, tor u Gomora, man Shinabi, tor u Adema man Shemeber, tor u Seboim man tor u Bela, ka Soar je la.

Genese 19:1

Mbatyomov mba uhar mbala za ar hen Sodom aikighe; yô, Loti tema hen hundagar u Sodom; Loti nengen a ve yô, a mough a za kegh ve gbenda, a ngurum, a wa ityough inya,

Genese 19:24

Tsô TER er sulfur man usu due sha TER Sha, haa sha Sodom man Gomora.

Genese 19:25

A tim agar la, man gbulumaa la cii, man mba ve lu ken agar la cii kua akaamenden a hen inya kpaa.

Genese 19:29

Shighe u Aôndo timin agar a hen gburumaa la, Aôndo umbur Aberaham, A er Loti due ken mtim la kera, zum u lu timin agar a Loti tema ker la.

Upasalmi 26:5

M kôr mkohol u mbaerenakaabo ihom; m rumun u teman a mbaaferev imôngo ga.

1 Mbakorinte 15:33

De tsughun nen ayol a en ga, ujende mba bov mba vihin mbamlu mba dedoo.