Genese 12:9 - ICIGHAN BIBILO

⁹ Aberam gba zenden veren ishigh ken Imbusutariyan la.

Genese 12:9 Iomraidhean Croise

Genese 13:1

Tsô Aberam mough ken Igipiti, gba yemen ken Imbusutariyan vea kwase na kua akaa a a lu a mi cii, man Loti kpaa a na imôngo.

Genese 13:3

A mough ken Imbusutariyan la, lu tsan gbenda yemen zan zan a za nyôr ken Betel, henpe tenti na lu hiihii, hen harga u Betel vea Ai la;

Genese 20:1

Tsô Aberaham mough heera yem ken tar u Imbusutariyan la, za tema hen harga u Kadeshi vea Shur; za lu shir ken Gerar.

Genese 20:13

Man er Aôndo A ne m dugh hen ya u terem, m zenden wue wue yô, m kaa a na mer: Kwagh u ú erem man á doom yô, hanma ijiir i sea za yô, ú ôr sha kwagh wam wer: Un ka anngôm.

Genese 24:62

Tsô Isaka due hen ian i Ber-lahai-roi; gadia a tema ken tar u Imbusutariyan la.

Upasalmi 105:13

ve lu zenden ken akuraior sha adondo adondo, ve mough ken tartor ugen ve yem ken ikurior igen kposo.

Yesaia 30:6

Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Numeri 13:17

Tsô Mose tindi ve er ve̱ za nenge tar u Kanaan mker. A kaa a ve er: Kôndo nen sha gbenda u Imbusutariyan ne, unde nen sha iwo,

Duteronomi 1:7

yô, hembe yem nen ken tar u iwoogh u Mbaamor, man ken ajiir a a dondo a u cii, ken Araba man ken tar u iwoogh, man tar u shin upev man ken Imbusutarimese la man hen kpe u Zegemnger, ka tar u Mbakanaan man Lebanon zan zan za ar hen ifi u tamen, ka ifi u Uferati je la.