Genese 12:5 - ICIGHAN BIBILO

⁵ Aberam mough a kwase na Sarai man Loti wan u anngô na, man inyarev vev mbi ve kohol cii, kua ior mba ve zua a mi ken Haran, ve gba yemen ken tar u Kanaan; ve za nyôr ken tar u Kanaan.

Genese 12:5 Iomraidhean Croise

Genese 10:19

Man shi ikighirtar i Mbakanaan, hii hen Shidon kura yem ken ian i Gera zan zan za nyôr ken Gasa; man hii ken Gasa kura yem ken ian i Sodom man Gomora man Adema man Seboim zan zan za nyôr ken Lasa.

Genese 11:27

Ungun ka tsombor u Tera ne: Tera mar Aberam man Nahor man Haran; Haran gema mar Loti.

Genese 11:31

Tsô Tera kua a wan na Aberam man Loti, wan u wan na Haran, kua Sarai, kwase u wan na Aberam, a mough a ve ken Ur u Mbakaldi, ve gba yemen ken tar u Kanaan; mba za ar hen Haran yô, ve tema heregh.

Genese 13:5

Loti u a za vea Aberam imôngo la kpaa, lu a iyôngo man abua kua utenti kpaa.

Genese 13:6

Tar la gema yina ve u vea tema ijiir i môm; gadia akaa a ve lu a mi ngee yum, nahan ve kera fatyô u vea lu imôngo ga.

Genese 14:14

Zum u Aberam ungwa er i kôr anngô na yô, a mough a ior nav mba fan ityav, mba i mar ve hen ya na yô, ior deri utar man pue kar anigheni, a gba tôvon ve hwange zan zan za ar hen Dan.

Genese 14:21

Nahan tor u Sodom kaa a Aberam er: Nam ior, kpa akaa agen yô, saa a mi tsô.

Genese 28:10

Tsô Yakob mough hen Bersheba gba yemen ken Haran.

Genese 36:6

Isou kura kasev nav kua ônov nav mba nomso man mba kasev man mba hen ya na cii man ilev nav man uzendenya kua inyarev nav mbi a kohol ken tar u Kanaan cii, a yem ken tar ugen ca je, a undu idyondon na Yakob.

Levitiku 22:11

Kpa aluer pristi una yam ma or sha inyaregh nagh yô, nana̱ ya, kua mba i mar hen ya na cii kpaa, ve̱ ya kwaghyan na.

Aerenakaa A Mbaapostoli 7:4

Tsô a mough ken tar u Mbakaldi, a za tema ken Haran; keela la kpaa, er ter na kpe kera yô, A mough a na, A va a na ken tar u ne lu ker hegen ne.