Genese 12:3 - ICIGHAN BIBILO

³ Mba vea ver u doo doo yô, Mo kpaa Me ver ve doo doo; or u nana wa u ifan la, Mo kpaa Me wa nan ifan; ka ken a we je akuraior a sha won cii aa zua a iveren ye.

Genese 12:3 Iomraidhean Croise

Genese 18:18

er Aberaham a lu hingir ikyurior i vesen i ageegh, man akuraior sha won cii aa zua a iveren ken a na yôô?

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Genese 22:18

nahan akuraior a sha won cii aa zua a iveren ken tsombor wou, sha ci u, u we imo Yam iko yô.

Genese 24:35

TER ver terem doo doo tsung je, a hingir shagbaor; shi A na un akum a iyôngo kua abua man azurfa kua zenaria man ikpan i nomso man i ukase man urakumi kua ujaki.

Genese 25:11

Tsô ken masejime u Aberaham kpe kera yô Aôndo ver wan na Isaka doo doo; Isaka tema hen Ber-lahai-roi.

Genese 26:29

de eren se kwagh u bo ga, di er se kpaa se bende u ave ga, se er u kwagh u vihin ga, saa u dedoo tseegh, man se na u gbenda bem bem nahan; gayô, we u ngu a iveren i TER je.

Genese 26:4

Me seer tsombor wou iyenge er asan a Sha nahan, Me na tsombor wou ityar ne cii; akuraior a sha won cii, aa zua a iveren ken tsombor wou;

Genese 27:29

Ior ve̱ shiren we tom, akuraior kpaa, a̱ gure u inya. Lu ityough sha anmgbianev ou, ônov mba ngôu, ve̱ gure u inya. Hanma or u nana wa u ifan yô, ifan i̱ kôr nan; hanma or u nana ver u doo doo yô nana̱ lu a iveren.

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Genese 30:27

Tsô Laban kaa a na er: Aluer a shi doo u a mo yô, m nenge ikav er TER A verem doo doo sha ci wou yô.

Genese 30:30

Gadia er yan m lu a va ga la, kwagh u u lu a mi lu kpeghee tsô, kpa a gema a seer ngeen; TER ver u doo doo sha avindigh a am cii; tsô ka hanma shighe je, mo kpaa me koso ior mba hen ya wama?

Genese 39:5

Tsô hii hen shighe u a ver un or u nengen un ya kua sha akaa a a lu a mi cii la yô, TER ver ya u Origipiti la doo doo sha ci u Yosev; iveren i TER lu sha akaa a a lu a mi cii, a ken ya kua a ken won kpaa.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Ekesodu 23:22

Aluer ú ver ato sha imo Na mimi je, ú er akaa a M kaa cii yô, Me hingir orihom u mbaihomov ou, man shi orhendan a mbaahendanev ou.

Numeri 24:9

A gure a yav inya er begha nahan, man er ngôbegha nahan; ka an je nana num unu? Hanma or u nan ver u doo doo yô, á ver nan doo doo. Hanma or u nan we u ifan yô, á wa nan di ifan je.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Mateu 25:45

Tsô Una gema Una kaa a ve er: Mimi je M kaan ne ne, er ne er nahan a mô u ken mba hemban gban ijime mban ga yô, ka Mo je ne er a Mo nahan ye.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

Mbaromanu 4:11

A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

Mbagalatia 3:16

Ka Aberaham man i tende zwa a na ye kua vor na. I kaa er “vor imôngo” ga, inja na yô, ka kpishi ga, kpa ngu môm tseegh er, “man shi vor wou”, inja na yô, ka Kristu je la.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbagalatia 3:8

Er icighanruamabera tsenganengen er ka sha jighjigh u nan man Aôndo Una na atôatyev ishô ye, a ôr Aberaham ivangeli tsuaa er: Ka ken we man akuraior a sha won cii aa zua a iveren ye.

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

Mpase U Yohane 7:9

Ken masetyô u akaa ne yô, m ver ashe, yô, nenge, zegeikpelaior lu, ma or fatyô u ôron i iyenge ga, ve due ken hanma ikurior man hanma nongo man hanma nongoior man hanma zwa kpaa. Ve tile sha ishigh ki ikônough ki torough kila man sha ishigh ki Waniyôngo ve haa akondo a pupuu iyol shi ve lu a andar a avilegh sha ave.