Genese 12:13 - ICIGHAN BIBILO

¹³ Nahan yô, ma u za kaa wer, u ngu anngôm u kwase, sha er á kpem iyol sha ci wou man uma wam kpaa a̱ war sha ci wou.

Genese 12:13 Iomraidhean Croise

Genese 11:29

Kpa Aberam man Nahor er kasev; iti i kwase u Aberam yô, er Sarai; iti i kwase u Nahor yô, er Milka, wan u Haran, ter u Milka man ter u Yiseka kpaa.

Genese 12:14

Tsô Aberam za nyer ken Igipiti yô Mbaigipiti nenge kwase la doo ashe tsung.

Genese 20:2

Aberaham lu ôron kwagh sha kwagh u kwase na Sara er: Ka anngôm u kwase. Nahan Abimeleki, tor u Gerar tindi i za kua a Sara.

Genese 20:5

Kera ka un iyol na a kaa a mo er: Ka anngôm u kwase ye gaa? Shi kwase iyol na kpaa a kaa er: Ka anngôm u nomso je. Yô, ka sha ishima i gbar gbar man ave am a wang m er kwagh ne ye.

Genese 26:7

Ior mba hen ijiir la mba pin un sha kwagh u kwase na yô, a kaa er: Ka anngôm u kwase; gadia lu cian u kaan er: Ka kwase wam; sha u ior mba hen ijiir la ve̱ de woom sha ci u Rebeka ga yô, kape a kaa la; gadia a doo ashe tsung.

Yesaia 57:11

Ka an je nan cier we iyol, u cie nan je u nyer eren aie; Mo kpaa, u kera umbur Mo ga, u kera wa iko her kpaa ga. Ka er M huan ving ica i gbe man u kera ciem ga yee?

Yeremia 38:17

Nahan Yeremia kaa a Sedekia er: TER, Aôndo u akum a Sha, Aôndo u Iserael, ngu kaan nahan er: Aluer wea due iyol you je, wea za hen atiator a tor u Babilon yô, uma wou una war, man gar ne kpaa á kera nande un sha usu ga, wea lu uma, we kua ya wou je;

Yeremia 38:20

Kpa Yeremia kaa er: Vea na u sha ikev ve ga. Shi ungwa imo i TER, sha kwagh u m kaa u la, ka nahan man á kpe u iyol man uma wou kpaa una war ye.

Esekiel 18:4

Nenge, uuma cii ka mba Av je, uma u ter kua uma u wan kpaa ka u Wam je; or u nan eren isholibo yô, ka nan nana kpe ye.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mbakolose 3:6

Ka sha akaa ne man iyugh i Aôndo i lu van ye.