Genese 11:6 - ICIGHAN BIBILO

⁶ TER kaa er: Nenge, ve cii, ka nongo môm, zwa ve kpaa ngu môm je; man ka kwagh u ve hii u eren je ne, nahan ma kwagh u ve we ishima u eren yô, una hemba ve ga.

Genese 11:6 Iomraidhean Croise

Genese 11:1

Tar cii lu zwa môm, ilyam kpaa môm.

Genese 3:22

Man TER Aôndo kaa er: Nenge, or hingir er mô Wase nahan, sha u fan kwagh u dedoo man kwagh u bo; hegen yô, a̱ de naregh uwegh a̱ tôôn ityamegh ki kon u uma ne a̱ yaan, a̱ tsôron ga.

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Genese 9:19

Mba utar mban ka ônov mba Noa; ka ve je ve na ior ve samber sha won cii ye.

1 Utor 18:27

Tsô ka kom er iyange sha tembe nahan yô, Eliya gba nahan ve tar, kaan er: Genger nen imo, gadia un ka aôndo ga; alaghga ngu henen kwagh, shin a ta ibalegh, shin a yem zende, shin alaghga ngu yaven; saa á nder un.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Amoshi 4:7

M shi M nyume ne ura, zum u iwer shi itiar i sunda ua kuma yô; M na ura nôô sha gar môm man sha ugen yô, M yange, u kera nôô ga; ijiir i môm i nôô ura, ijiir igen i ura nôô ker ga yô, i use.

Luka 1:51

A er tom u ageegh sha uwegh Nagh; mba ve gengese iyol sha mhen u ken asema a ve la, A sambe ve kera.

Aerenakaa A Mbaapostoli 17:26

Ka sha u môm je man A er akuraior cii ye, sha u ve̱ tema sha won cii er A vande veren ve ashighe man akighir a mtem ve yô,

Mbaajiriv 10:14

Yô, yem za vaa nen a mbaaôndo mba ne tsough yô, ve̱ yima ne hen shighe u ican i tser ne ne.