Genese 10:5 - ICIGHAN BIBILO

⁵ Ka ken ve man ityar i hen kpezegemnger i akuraior gba paven ityar ve kposo kposo, hanmô a zwa u nan, sha icombor ve man akur a ve ye.

Genese 10:5 Iomraidhean Croise

Genese 10:20

Mban ka ônov mba Ham sha icombor ve man ijô ve man ityar ve man akur a ve je ne.

Genese 10:25

Eber mar ônov mba nomso uhar, u môm la iti na er Pelegi; gadia ka sha ayange na la ior pav sha ityar ityar ye; iti i anngô na er Yokotan.

Genese 10:32

Ka icombor i ônov mba Noa sha ikov ve ken akur a ve je; ka ken i man akuraior a pav sha tar zum u mngerem ma deemee bee la ye.

Genese 10:4

Ônov mba Yavan yô, ka: Elisha man Tarshishi man Kitim man Dodanim.

Genese 10:6

Ônov mba Ham yô, ka: Kushi man Miseraim man Puti kua Kanaan.

Genese 9:19

Mba utar mban ka ônov mba Noa; ka ve je ve na ior ve samber sha won cii ye.

Eseter 10:1

Tsô tor Ahasueru wa inyaregh ki kpandegh sha tar man sha ucile mba shin zegemnger.

Upasalmi 72:10

Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 24:15

Nahan yô, civir nen TER sha vegher u sha iwanger la; sha ityar i hen kpe u zegemnger, civir nen iti i TER, Aôndo u Iserael.

Yesaia 40:15

Nenge, akuraior nga er ibelegh ki mngeregh ki ki lu shin ika yô, man er ihundu i puer i i hee sha iyôgh ki karen kwagh a mi nahan; nenge, acile a shin zegemnger nga er vuulevu u lun lueen u i tsenda kera yô.

Yesaia 41:5

Ityar i hen kpezegemnger nenge, nahan i cia, akighir a tar cii gbidye akarkase iyol; ve gba kporom ikua, van.

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 59:18

Er aeren a ve a lu la, kape Una kimbi ve je la: ishimanyoon sha mbaahendanev Nav, iyevoron sha mbaihomov Nav; Una or iyev sha ityar i hen kpe u zegemnger la.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Yeremia 2:10

Yô, per, za ase hen ityar i hen kpe u zegemnger i Kitim man nenge nen; tindi nen hen Kedar, ver nen ishima dedoo, nenge nen; shin injakwagh ne vande eren nahan je kpa?

Yeremia 25:22

man utor mba Tiru cii, man utor mba Shidon cii, man utor mba sha ityar i hen kpe u zegemnger yande la,

Esekiel 26:15

Ter AÔNDO ngu kaan a Tiru nahan er: Ityar i shin kpe u zegemnger ia kera tenger sha iov i mgbe wou, zum u mba i gber ve avav vea toghor, man iwoo-or ia lu ken atô wou la gaa?

Esekiel 26:18

Hegen yô, ityar i shin kpe u zegemnger ia tenger sha iyange i mgbe wou la; een, acile a a lu ken zegemnger la á cier a iyol sha mkarkera wou.

Daniel 11:18

Ken masetyô la, una gema á ver ishigh nagh ken ityar i shin kpezegemnger, una ngohol i kpishi; kpa kurutya ugen una yange un ilyahan na la kera; een, zan zan una na ilyahan na la, ia hide sha ityough nagh.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Duteronomi 32:8

Zum u Uhembansha na akuraior a sha won dyako ve la, zum u A pav ônov mba iorov yô, A ver akuraior akighir a ityar ve sha iyenge i ônov mba Iserael.