Genese 10:4 - ICIGHAN BIBILO

⁴ Ônov mba Yavan yô, ka: Elisha man Tarshishi man Kitim man Dodanim.

Genese 10:4 Iomraidhean Croise

Genese 10:5

Ka ken ve man ityar i hen kpezegemnger i akuraior gba paven ityar ve kposo kposo, hanmô a zwa u nan, sha icombor ve man akur a ve ye.

1 Kroniku 1:7

Man ônov mba Yavan yô, lu: Elisha man Tarshishi, Kitim man Rodanim.

Yesaia 23:1

Mkaanem ma Aôndo sha Tiru. Gbire nen ivaa ne utso mba Tarshishi, gadia i tim un kera, zan zan ma ya kera shi ga, ma gbenda u nyôron ker kpaa ngu ga; hii hen tar u Kitim je, i pase ve nahan.

Yesaia 23:12

Man shi A kaa er: Á kera lu u iyol yagh yagh mayange ga, we iniunkwase i i nzughul a we ne, wankwase u Shidon; mough sha, per za ken Kitim, keela kpaa ú za zua a mmem ga.

Esekiel 27:12

Tarshishi lu orkasua wou je sha ci u mngee u akaa kposo kposo; ka sha azurfa man iyôgh ki iligh man kwaza man inyelegh ve er kasua a mi a we ye.

Esekiel 27:25

Utso mba Tarshishi lu kuran ikav youv mbi kasuav. Kape u iv ne, i wa u ikav tsung ken atô u zegemnger.

Esekiel 27:6

Ka sha ikon i ouki i Bashan ve gba u iniahatsoo ye; ve er tembetsoo wou sha anyinor a i wa sha ikon i pain i i dugh sha acile a Kitim la.

Esekiel 27:7

Ka sha ikondo i pupuu i kôngor i i er hwe u Igipiti sha mi yô, i er tenti wou u tan sha tso la ye, sha u a̱ hingir we tuta; ka sha ikondo i kwel man i nyian dindee i i dugh ken acile a Elisha la man i san haav ou ye.

Daniel 11:30

Gadia utso mba Mbakitim vea va ta num sha a na; nahan una cia, una hide, una mough num a icighanikuryan, una er akaa sha ishima na; je yô, una hide una ver ishima sha mba ve undu icighanikuryan la.

Numeri 24:24

Kpa utso vea due ken Kitim, vea er Ashur ican, shi vea er Eber ican; un di kpaa una tim.