Genese 1:26 - ICIGHAN BIBILO

²⁶ Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve.

Genese 1:26 Iomraidhean Croise

Genese 11:7

Yô, Sé sen, Sé za nzughul ve zwa, ve̱ de kera ongo kwaghôron u ayol a ve ga.

Genese 2:19

Ka inya, TER Aôndo er hanma inyamtoho man hanma inyon i sha a mi ye. Tsô A va a mi hen or la er Una nenge er nana yila ve yô; hanma myer u or la a yila hanma kwagh u uma yô, maa hingir iti na je.

Genese 3:22

Man TER Aôndo kaa er: Nenge, or hingir er mô Wase nahan, sha u fan kwagh u dedoo man kwagh u bo; hegen yô, a̱ de naregh uwegh a̱ tôôn ityamegh ki kon u uma ne a̱ yaan, a̱ tsôron ga.

Genese 5:1

Ngun ka ruamabera u tsombor u Adam ne: Iyange i Aôndo gba or yô, ka sha mlu u ibeen i Aôndo A gba nan ye;

Genese 9:6

Or u nan hee awambe a or inya yô, shi ka sha ikev i or á haa di awambe a nan inya ye; gadia ka sha mlu u Aôndo je, A er or ye.

Yobu 35:10

Kpa ma or pine er: Aôndo u A gbem la ngu hana, ga, u A ne atsam a wuese tugh;

Yobu 39:11

Ú suur sha i er i lu a agee yum yôô? Shin ú wa i tom wou sha ikeve?

Yobu 5:23

Awen a ken toho kpaa á ya ikar a we; man inyam i toho kpaa, ia lu a we bem bem;

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Orpasenkwagh 7:29

Nenge, ka kwagh ne tseegh m zough a mi ye: Aôndo er or dedoo, kpa mba keren u eren akaa sha ayom yum.

I Solomon 1:11

Sé tume u mshirim ma zenaria a anzôr a azurfa sha mi.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

Yesaia 6:8

Tsô m ungwa imo i Ter lu kaan er: Ka an Me tindi nan, man ka an nana za sha ci Wasa? Tsô m kaa mer: Mo ne, tindim.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yeremia 27:6

Hegen yô, Mo, M gema ityar ingin cii, M na sha ikev i Nebukadinesar tor u Babilon, wanakiriki Wam; inyam i ken toho kpaa, M na un i, i̱ eren ishima na.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 5:17

Kpa A gema A kaa a ve er: Terem ngu eren tom her, Mo kpaa M ngu eren tom.

Aerenakaa A Mbaapostoli 17:20

Gadia u ngu ôron se akaa a he; yô, ka se ka fan inja i akaa a shon.

Aerenakaa A Mbaapostoli 17:26

Ka sha u môm je man A er akuraior cii ye, sha u ve̱ tema sha won cii er A vande veren ve ashighe man akighir a mtem ve yô,

1 Mbakorinte 11:7

Kpa nomsoor yô, ka u nana cir kwagh sha ityough ga gadia nan ngu ibeen man iengem i Aôndo, man kwase gema ka iengem i nomsoor.

2 Mbakorinte 3:18

Se cii se kera mba a ikondo i yisan sha ishi ga se mba nengen iengem i Ter er ka ken ijingi nahan. Mba geman se se̱ hingir er ibeen shon la nahan, hii ken iengem za a za hemen ken iengem. Ka hen Ter u A lu Jijingi la kwagh ne a dugh ye.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 4:24

man haa nen orhe iyol u i gbe un sha inja i Aôndo ken perapera u mimi man mtsegh u mimi.

Mbakolose 1:15

Un ka ibeen i Aôndo u i nengen a Na ga la, ka Waniunda ken akaa a i gbe a cii,

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

Yakobu 3:7

Gadia hanma inja i inyamtoho man shi inyon man akaa a kpelan iyav inya man akaa a uma a shin zegemnger cii a fatyô u koso a, aa var ken ya, man i vande koson a nahan sha ishima i or kpaa.

Yakobu 3:9

Ka sha u je ka se wuese Ter, man Aôndo ye, shi ka sha u kpaa ka se wa ior mba i gbe ve sha mlu u Aôndo la ifan ye.

1 Yohane 5:7

Mba ve eren shiada [Sha] yô, mba utar [ka Ter man Imo man Icighan Jijingi, man mba utar mban yô, ka môm.