Genese 1:22 - ICIGHAN BIBILO

²² Shi Aôndo ver ve doo doo kaa er: Mar nen kpishi, ngee nen, iv nen shin mngerem ma uzegembamngerev; inyon kpaa i̱ seer a seer ngeen sha tar.

Genese 1:22 Iomraidhean Croise

Genese 1:21

Aôndo gba uzegembainyamev mba shin zegemnger man hanma kwagh u uma u zenden, u mngerem ma mgbough a mi sha anza a ve yô, man shi hanma inyon i purugh, sha inja i i. Aôndo nenge er i doo nahan yô.

Genese 1:23

Nahan hingir iyange i been man pepe, ka iyange i sha utaan je la.

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 30:27

Tsô Laban kaa a na er: Aluer a shi doo u a mo yô, m nenge ikav er TER A verem doo doo sha ci wou yô.

Genese 30:30

Gadia er yan m lu a va ga la, kwagh u u lu a mi lu kpeghee tsô, kpa a gema a seer ngeen; TER ver u doo doo sha avindigh a am cii; tsô ka hanma shighe je, mo kpaa me koso ior mba hen ya wama?

Genese 35:11

Shi Aôndo kaa a na er: Ka Mo Aôndo Uhembanagee, maren, seer a seer; ikurior man ikpila i akuraior ia due ken a we, utor vea due ken a we.

Genese 8:17

Man shi due a hanma kwagh u uma cii, u a lu a we imôngo: inyon man uzendenya kua hanma kwagh u a kper a kpela inya, sha u ve̱ mgbough sha won, ve̱ maren ve̱ seer a seer sha won.

Genese 9:1

Tsô Aôndo ver Noa doo doo kua ônov nav cii; A kaa a ve er: Maren nen, seer nen a seer, man shi iv nen tar.

Yobu 40:15

Nenge, normnger u M er un di er we nahan; ye toho er bua nahan.

Yobu 42:12

Nahan TER ver Yobu ken masejime doo doo, hemba mver u tsuaa la; a lu a iyôngo dubu pue kar unyiin, urakumi dubu ataratar, abua a kpelan ikyekye ahar ahar kuma dubu môm, kua anmgbianajaki dubu.

Upasalmi 107:31

Yô, ve̱ wuese TER sha erdoo Na, man aeren a Na a kpilighyol a A eren a ônov mba iorov yô.

Upasalmi 107:38

A ver ve doo doo kpaa, zan zan ve seer ngeen a ngee; A rumun er ilev vev mbi̱ pande a pande ga.

Upasalmi 128:3

Kwase wou una hingir er kon u wain u umen atam ken atô u ya wou, ônov ou vea lu er agum a ikon i olev, vea kase kwaghyan wou.

Anzaakaa 10:22

Iveren i TER ngi ve a inyaregh, tom u nyoonyol seer ma kwagh sha i ga.

Levitiku 26:9

Me waan ne iko, Me ngee ne ônov, Me seer a seer ne iyenge, Me taver ikuryan Yam a ven.