Genese 1:16 - ICIGHAN BIBILO

¹⁶ Tsô Aôndo er akaavesen a nan iwanger ahar, u hemban la sha u a̱ lu a tahav atetan, u kiriki la yô, a̱ lu a tahav tugh; kua asan kpaa.

Genese 1:16 Iomraidhean Croise

Genese 1:15

Shi a̱ lu akaa a nan iwanger sha kwavaôndo Sha, er a̱ taan iwanger sha tar yô; maa lu di nahan je.

Yobu 31:26

aluer mea kenger sha iyange er i te la, shin uwer u u lu tan wanger wanger la,

Yobu 38:7

zum u asan a sha use lu wan icam, man ônov mba Aôndo cii ger imo sha iember laa?

Upasalmi 148:3

Wuese nen Un, we iyange man uwer kpaa; wuese nen Un ne asan a tan iwanger cii.

Upasalmi 148:5

Ve̱ wuese iti i TER, gadia Un A kaa man i gba ve ye,

Upasalmi 19:6

Mdugh u i ka ken ikighir i Sha je; mningir u i kpaa ka zan zan za ar sha ikighir na igen, ma kwagh lun myer sha mtsee u i kpaa ga.

Upasalmi 74:16

Sev ka mbu Ou je, tugh kpaa ka mbu Ou; ka We je, U ver akaa a nan iwanger sha, kua iyange kpaa ye.

Upasalmi 8:3

Er m veren ishima sha akaa a sha aôndo a a lu tôm u ahôaveegh Ou, ka uwer man asan a U ver a yô,

Yesaia 13:10

Gadia asan a Sha man uzegembaiwangerev mba Shaav vea kera na iwanger ga, iyange ia wa ime sha mdugh u i, uwer kpaa ua kera ta iwanger ga.

Yesaia 24:23

Zum la kunya ua kôr uwer, ua hingir nyian, iyange kpaa kunya ua kôr i; gadia TER u akum a Sha Una tema tor sha uwo u Shion kua ken Yerusalem kpaa, man sha ishigh ki mbatamen Nav yô, iengem ia lu.

Yesaia 40:26

Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.

Yesaia 45:7

M ver iwanger, man shi M gba ime; M va a kwaghdoon man kwaghvihin kpaa, ka Mo TER M er akaa ne cii ye.

Yeremia 31:35

TER u A ne iwanger sha ci u iwanger i atetan, man mzende u uwer man asan sha ci u iwanger i utu, Un u A kpianger zegemnger, je agôndo a na kpaa a te kume; TER u akum a Sha, ka iti Na je la, ngu kaan nahan er:

Habaku 3:11

Iyange man uwer tile gir gir hen ijiir ve, sha iwanger i avaan a Ou er a lu zan la, man sha iwanger i iwange You i iengem la.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 27:45

Hii iyange sha tembe zan zan ahwa atar atetan yô, ime wa tser tar.

1 Mbakorinte 15:41

Iengem i iyange ngi kposo, iengem i uwer shi ngi kposo, iengem i asan di kpaa ngi kposo, gadia iengem i ishan igen ngi kposo a iengem i asan agen.

Duteronomi 4:19

man shi sha er u̱ de kera kenden ashe sha man zum u ú nenge iyange man uwer man asan, akum a sha la cii, ú rumun wer a̱ urugh we zan zan ú gure ú civir a ga; ka akaa a TER, Aôndo wou, A kar kwar a mi A ne akuraior a a lu sha won cii yô.

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.