Genese 1:12 - ICIGHAN BIBILO

¹² Tsô toho mende sha tar, imendenev mbi wan isham sha anza a mbi; man ikon i umen atam a lun a ake kimi sha anza a i. Aôndo nenge er i doo nahan yô.

Genese 1:12 Iomraidhean Croise

Genese 1:11

Aôndo shi kaa er: Tar u̱ mende toho, imendenev mbi wan isham man ikon i umen atam sha anza a i kposo kposo, a lun a ake kimi, sha tar; maa lu di nahan je.

Genese 1:13

Nahan hingir iyange i been man pepe, ka iyange i sha utar je la.

Upasalmi 104:14

A er toho u mende sha ci u uile, man imendenev sha ci u or nana eren tom a mbi, sha er nana zuan a kwaghyan shin inya yô,

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Marku 4:28

gadia inya iyol i i gba nan iyiav tsô; hiihii ka ika, u dondon ka ishagher, man ken masetyô yô, ka asange a vian ken ishagher.

Luka 6:44

Hanma kon, ka sha ityamegh ki u man i fe u ye; gadia mba zer tur sha usaa ga, man shi mba zer wain sha ageva ga.

2 Mbakorinte 9:10

Un u A ne ortanivor la ivor, shi A lu nan bredi sha ci u kwaghyan la yô, Una na ne ivor i tan, Una seer i, shi Una seer atam a perapera wen kpaa,

Mbagalatia 6:7

I̱ de tsughun ne ga, mba nahan Aôndo tar ga. Kwagh u or nan lee yô, shi ka un je nana sunda ye.

Mbaheberu 6:7

Gadia inya i ura u nee sha mi acin imôngo, u nyer shimi dedoo, i menden akaa a a lu mba i lu shiren i sha ci ve la a inja yô, ngi zough a iveren i dedoo i Aôndo.