Genese 1:11 - ICIGHAN BIBILO

¹¹ Aôndo shi kaa er: Tar u̱ mende toho, imendenev mbi wan isham man ikon i umen atam sha anza a i kposo kposo, a lun a ake kimi, sha tar; maa lu di nahan je.

Genese 1:11 Iomraidhean Croise

Genese 1:12

Tsô toho mende sha tar, imendenev mbi wan isham sha anza a mbi; man ikon i umen atam a lun a ake kimi sha anza a i. Aôndo nenge er i doo nahan yô.

Genese 1:29

Aôndo shi kaa er: Nenge, M na ne hanma imendenegh ki wan isham, ki ki lu sha tar cii, man hanma kon u ityamegh ki lu sha u, ki lun a ake kimi, a̱ hingir kwaghyan wen.

Genese 2:16

TER Aôndo wa or kwagh kaa er: Hanma kon u ken sule ne, gbaa yan u tsô,

Genese 2:5

ma imendenegh ki ken toho lu a lu sha won ga, ma ihuugh kpaa lu a mende ga, gadia TER Aôndo lu a na ura u nôô sha tar ga, or u kahan sule kpaa lu a lu ga,

Genese 2:9

TER Aôndo er hanma kon u doon u nengen man shi u doon u yan, u mende hen inya; man kon u uma kpaa lu her atô sule, kua kon u mfe u fan kwagh u dedoo man kwagh u bo.

Yobu 28:5

Inya yô, ka shin i je kwaghyan a dugh ye; kpa shin atô u i je, i vughul shimi er ka sha usu yô.

Upasalmi 1:3

Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

Upasalmi 147:8

Un u A cir kwavaôndo sha abeen la, A kohol ura sha u nôôn sha tar, A ne toho u mende sha iwo,

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Yeremia 17:8

Gadia nana hingir er kon u i môôr u hen kpemnger, u u samber amise a u, a za ar shin kungômnger, u u cie mtsee u iyange ga, kpa ika i u i lu ndor shough shough; inyom i icegh ki ze kpaa, ishima ia nyian u ga, man shi ua de u umen atam kpaa ga.

Mateu 3:10

Hegen je kpaa i ver ijembe hen misekon; hanma kon u u um ityamegh ki injaagh ga yô, á gber u kera, á kende ken usu.

Mateu 6:30

Yô, aluer Aôndo Una wuhan ahu a ken toho iyol doo doo nahan, a a lu uma nyian, kper a haa ken atse la, man hire ne mba ne lu a anjighjigh u nan nee?

Marku 4:28

gadia inya iyol i i gba nan iyiav tsô; hiihii ka ika, u dondon ka ishagher, man ken masetyô yô, ka asange a vian ken ishagher.

1 Mbakorinte 15:38

Kpa ka Aôndo A ne i iyol er i sar Un yô, hanma inja i ivor ka A na i iyol sha inja i i.

Mbaheberu 6:7

Gadia inya i ura u nee sha mi acin imôngo, u nyer shimi dedoo, i menden akaa a a lu mba i lu shiren i sha ci ve la a inja yô, ngi zough a iveren i dedoo i Aôndo.

Yakobu 3:12

Anmgbianev av, kon u tur ua fatyô u umen atam a olev shinii, itine i wain ia fatyô u umen atam a turu? Kape mngerem ma barem kpaa, maa fatyô u duen mngerem ma dedoo ga.